14.12.2024 | 19:57
Ինչ իրավիճակ է ճանապարհներին 19։35-ի դրությամբ
Քաղաքապետը պիտի իրեն նույնացնի այն խնդիրների հետ, որն ունի Երևանը. Հայկ Կոնջորյան. ՏԵՍԱՆՅՈՒԹ
Քաղաքականություն
19.09.2018 | 19:01
Ազգային ժողովի «Ելք» խմբակցության պատգամավոր Հայկ Կոնջորյանի համոզմամբ՝ ցանկացած ընտրություն կատարելիս քաղաքացին առաջին հերթին ընտրում է ինքն իրեն, քանի որ մենք ընտրում ենք այն մարդուն, ով պետք է դառնա մեր ցանկությունների սիմվոլը։ Այս մասին այսօր «Լույս» դաշինքի հանրահավաքի ժամանակ ասաց պատգամավորը՝ ընդգծելով, որ յուրաքանչյուրիս մտքով մշտապես անցել է, որպես քաղքապետ, ով կարող է լավագույնս լուծել քաղաքի առաջ ծառացած խնդիրները։
«Ես հավատում եմ, որ լավագույն քաղաքապետը պետք է լինի նա, ով մտածում է, որ եթե Երևանում գեթ մեկ քաղաքացի շնչում է քաղաքի գարշահոտությունը, ապա այդ գարշահոտությունը շնչում է հենց ինքը։ Ես կարծում եմ, որ Երևանի լավագույն քաղաքապետը նա է լինելու, ով մտածելու է, եթե Երևանի գեթ մեկ քաղաքացի վախենալով է մտնում վերելակ, ուրեմն վախենում է հենց ինքը»,- ասաց Հայկ Կոնջորյանը՝ նշելով, որ Երևանի լավագույն քաղաքապետը պետք է կարողանա իրեն նույնացնել բոլորի և բոլորի ունեցած խնդիրների հետ։
«Ես հավատում եմ և վստահում եմ, որ Երևանի այդ քաղաքապետը կարող է լինել իմ ընկեր Արտակ Զեյնալյանը»,- ասաց Հայկ Կոնջորյանը։
Մանրամասները՝ տեսանյութում։
