14.03.2026 | 20:09
Նյու Յորքում Հայաստանի նախաձեռնությամբ քննարկվել է գենդերային հավասարության դերը կենսաբազմազանության պահպանման գործում
ՆԱՏՕ-ի նախկին գլխավոր քարտուղարը հայտարարել է, որ Ուկրաինայում պատերազմի արագ ավարտն առանց Կիևի տարածքային զիջումների անհավանական է
Քաղաքականություն
02.12.2024 | 17:50
ՆԱՏՕ-ի նախկին գլխավոր քարտուղար Յենս Ստոլտենբերգը կարծում է, որ Ուկրաինայում պատերազմի արագ ավարտն առանց Կիևի տարածքային զիջումների անհավանական է։ Նրա կարծիքով՝ խաղաղության հասնելու համար Ուկրաինան կարող է ստիպված լինել ժամանակավորապես հրաժարվել օկուպացված տարածքների նկատմամբ վերահսկողությունից։
«Եթե հրադադարի գիծը նշանակում է, որ Ռուսաստանը շարունակում է պահել գրավված տարածքներ, դա չի նշանակի, որ Ուկրաինան պետք է ընդմիշտ հրաժարվի դրանցից»,- Ստոլտենբերգի խոսքերն է մեջբերում Spiegel-ը։
Նա ընդգծել է, որ ժամանակավոր զիջումների դիմաց Կիևը պետք է ստանա անվտանգության երաշխիքներ, որոնք կարող են ներառել ՆԱՏՕ-ին անդամակցելու կամ Ուկրաինայի պաշտպանունակության ամրապնդմանն ուղղված այլ միջոցներ։ Ստոլտենբերգն աջակցություն է հայտնել նախագահ Վլադիմիր Զելենսկիի դիրքորոշմանը, որը պնդում է տարածքային զիջումների անթույլատրելիությունը։ Սակայն դաշինքի նախկին գլխավոր քարտուղարը նշել է, որ ներկայիս ռազմական իրավիճակի պատճառով դա քիչ հավանական է։
Վլադիմիր Զելենսկին նոյեմբերին խոստովանել է, որ հնարավոր է վերջ դնել հակամարտության «թեժ փուլին», եթե Ուկրաինան միանա ՆԱՏՕ-ին իր գոյություն ունեցող սահմաններով, իսկ կորցրած տարածքների վերադարձը դիվանագիտական ճանապարհով իրականացվի։ Դեռևս ամռանը նա հայտարարել էր, որ Ուկրաինան մտադիր չէ իր տարածքներն օգտագործել որպես սակարկության առարկա խաղաղ բանակցություններում։
Թարգմանությունը՝ Տաթև Ֆռանգյանի
