Իտալիայում տարօրինակ արգելքի պատճառով ֆուտբոլիստը քիչ էր մնում կորցներ կյանքը․ ինչու շտապօգնության մեքենան այդպես էլ չմտավ խաղադաշտ

Երեկ՝ դեկտեմբերի 1-ին Ա Սերիայի 14-րդ տուրի «Ֆիորենտինա» — «Ինտեր» հանդիպումը տանտերերի ֆուտբոլիստ Էդուարդո Բովեի գիտակցության կորստի պատճառով դադարեցվեց․ գրում է armsport-ը։

17-րդ րոպեին տանտերերի կիսապաշտպանը հանկարծակի կորցրել է գիտակցությունը և ընկել խոտածածկին։ Թիմակիցները արագ շրջապատել են նրան՝ արգելափակելով տեսխցիկների տեսադաշտը։ Մի քանի խաղացողներ դեպքից հետո չեն կրողացել զսպել իրենց արցունքները։

Իսկ ինչո՞ւ այսդպես էլ խաղադաշտ չմտավ շտապօգնության մեքենան:

Մի քանի րոպե անց Բովեին պատգարակով տեղափոխեցին շտապօգնության մեքենա, որը սպասում էր անկյունային դրոշակի մոտ։ Պարզվում է, որ Ա Սերիայի կանոնակարգի համաձայն՝ շտապօգնության մեքենային արգելվում է դաշտ մտնել նույնիսկ ամենաարտակարգ իրավիճակներում։

Ինչպես հայտնում է La Gazzetta dello Sport-ը, հենց դա է առաջացրել «Ֆիորենտինայի» ֆուտբոլիստների դժգոհությունը։ Պաշտպան Լուկա Ռանիերին չի կարողացել զսպել էմոցիաները և հրել է բժիշկներից մեկին, որը, իր կարծիքով, չափազանց դանդաղ էր օգնում Բովեին։

Շտապօգնության մեքենաների խաղադաշտ մտնելու արգելքի պատճառով բժիշկները ստիպված են եղել վազել պատգարակի հետևից, իսկ հետո Բովեին պատգարակով տանել դեպի անկյունային դրոշակի մոտ գտնվող շատապօգնության մեքենան։

Ansa-ի փոխանցմամբ՝ Բովեն սրտի կանգ է ունեցել։ Նշվում է, որ նա իրեն վատ է զգացել «Ինտերի» պաշտպան Դենզել Դումֆրիսի հետ բախումից հետո. Էդոարդոն հարված է ստացել կրծքավանդակին և փայծաղին:

Կարևոր է, որ Բովեն այժմ գիտակցության է եկել և խոսել է իր մտերիմների հետ: Բայց Ա Սերիան հստակորեն պետք է վերանայի կանոնակարգը և թույլ տա շտապօգնության մեքենային մտնել խաղադաշտ: Հակառակ դեպքում հաջորդ անգամ ամեն ինչ կարող է ավարտվել ողբերգությամբ։