17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Իրանի և Թուրքիայի ԱԳ նախարարները Սիրիայում վերջին զարգացումներն են քննարկել
Քաղաքականություն
02.12.2024 | 17:31
Իրանի ԱԳ նախարար Աբբաս Արաղչին Թուրքիայի մայրաքաղաք Անկարայում երկկողմ հարաբերությունների և տարածաշրջանային զարգացումների շուրջ բանակցություններ է անցկացրել թուրք գործընկեր Հաքան Ֆիդանի հետ։ IRNA-ի փոխանցմամբ՝ կողմերը քննարկել են այնպիսի հարցեր, ինչպիսիք են Սիրիայում վերջին զարգացումները և ահաբեկչության դեմ պայքարի թեման։
Մինչ այս հանդիպումը՝ Իրանի արտգործնախարարն Անկարայում իրանցի լրագրողների հետ զրույցում ասել էր, որ մանրամասն քննարկում է ունենալու թուրք գործընկերոջ հետ։
«Կան ընդհանուր մտահոգություններ, որոնք պետք է լուծվեն։ Մեր խորհրդակցությունները Թուրքիայի հետ տարբեր թեմաների շուրջ միշտ շարունակական են եղել։ Շատ ոլորտներում մենք ունենք կոնսենսուս, իսկ որոշ ոլորտներում՝ կարծիքների տարբերություններ։ Բնականաբար, մենք պետք է խոսենք միմյանց հետ, և ես հուսով եմ, որ կարող ենք ընդհանուր փոխըմբռնման հասնել տարածաշրջանային խնդիրների վերաբերյալ, ինչը կհանգեցնի տարածաշրջանում կայունության, քան թույլ տալ, որ Սիրիան կամ տարածաշրջանը կրկին դառնան ահաբեկչական կենտրոն»,- ասել է Արաղչին:
Թարգմանությունը՝ Էմմա Չոբանյանի
