10.08.2026 | 19:54
Կոլումբիայում 7.4 մագնիտուդով հզոր երկրաշարժ է տեղի ունեցել․ զոհերի թիվը հասել է 20-ի
Հալեպում զինված բախումները հեռու են հայկական թաղամասերից. Կիլիկիայի կաթողիկոսարան
Քաղաքականություն
01.12.2024 | 11:58
Հալեպում տեղի ունեցող զինված բախումները առհասարակ հեռու են հայկական թաղամասերից. հայտնում են Կլիկիայի կաթողիկոսության մամուլի ծառայությունից։
Նշվում է, որ Արամ Ա Վեհափառը հետևում է Հալեպում տեղի ունեցող իրադարձություններին, մշտապես կապի մեջ է հայ համայնքի ներկայացուցիչների հետ։
Հայտարարության մեջ ասվում է, որ թե՛ Հալեպում, թե՛ Քեսաբում բնակվող հայ համայնքի պատասխանատուներին հրահանգված է, որ մարդիկ մնան տանը և անհրաժեշտության դեպքում կապ հաստատեն ազգային առաջնորդարանի կամ համայնքային կենտրոնների հետ։
Հիշեցնենք, որ նոյեմբերի 27-ին «Հայաթ Թահրիր աշ Շամի» զինյալները խախտել են հրադադարի մասին համաձայնագիրը և գրոհել Սիրիայի Հալեպ և Իդլիբ Նահանգների վրա, ինչը հանգեցրել է կատաղի բախումների:
Նոյեմբերի 30-ին հայտնի դարձավ, որ թուրքամետ արմատական խմբավորումները գիշերվա ընթացքում գրեթե ամբողջությամբ գրավել են Սիրիայի Հալեպ քաղաքը, Հալեպի գլխավոր հյուպատոսությունն ու Հայկական մարդասիրական առաքելությունը մինչ այդ շտապ տարհանվել են։
