06.06.2026 | 18:40
Ստեփանավանի տարածաշրջանում կարկուտ է տեղացել․ կան վնասներ
Մախաչկալայի օդանավակայանը դադարեցրել է աշխատանքը անօդաչու թռչող սարքերի հարձակման հետևանքով
Քաղաքականություն
30.11.2024 | 13:56
Մախաչկալայի օդանավակայանի աշխատանքը ժամանակավորապես դադարեցվել է անօդաչու թռչող սարքի հարձակման սպառնալիքի պատճառով, հաղորդում է օդային տրանսպորտի դաշնային գործակալության մամուլի ծառայությունը։ Սահմանափակումները ուժի մեջ են մտել Մոսկվայի ժամանակով 08:19-ին։ Օդանավակայանը դադարեցրել է թռիչքներ ընդունել և ուղարկել, փոխանցում է The Moscow Times-ը։
Քիչ առաջ Դաղստանի ղեկավար Սերգեյ Մելիքովը հայտարարել է Կասպիյսկի օբյեկտների վրա անօդաչու թռչող սարքի վրա հարձակվելու փորձի մասին։ Մելիքովը չի հստակեցրել, թե արդյոք անօդաչու թռչող սարքը խոցվել է, սակայն, ըստ նրա, խուսափել են վնասվածքներից ու ավերածություններից։
ՌԴ ՊՆ-ն իր հերթին տեղեկացնում է, որ նոյեմբերի 30-ի գիշերը ՀՕՊ համակարգերի կողմից «ոչնչացվել են» 11 ինքնաթիռային տիպի անօդաչու թռչող սարքեր։ Նրանցից ութը, ըստ պաշտպանության նախարարության, գնդակոծվել են Բելգորոդի շրջանի, ևս երեքը՝ Սև ծովի վրա։ Գերատեսչությունը չի նշել Դաղստանի վրա հարձակումը։
Նոյեմբերի 6-ին ուկրաինական անօդաչու թռչող սարքն առաջին անգամ հարձակվել է Դաղստանի Հանրապետության տարածքի վրա։ Այնուհետեւ, ինչպես պնդում էր Սերգեյ Մելիքովը, սարքը ոչնչացվել է հակաօդային պաշտպանության ուժերի կողմից։
Թարգմանությունը՝ Տաթև Ֆռանգյանի
