08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
ՄԱԿ-ը հայտնում է, որ Սիրիայում մարտերի հետևանքով երեք օրվա ընթացքում 27 խաղաղ բնակիչ է զոհվել, այդ թվում՝ երեխաներ
Քաղաքականություն
29.11.2024 | 19:43
Սիրիայի հյուսիս-արևմուտքում վերջին երեք օրերի ընթացքում տեղի ունեցած մարտերի հետևանքով զոհվել է 27 խաղաղ բնակիչ, այդ թվում՝ 8 երեխա: Այս մասին Reuters-ին ասել է Սիրիայի ճգնաժամի հարցերով ՄԱԿ-ի մարդասիրական հարցերով համակարգողի տեղակալ Դեյվիդ Քարդենը, գրում է USnews-ը։
Սիրիական բանակի և ապստամբների աղբյուրները հայտնում են, որ ռուսական և սիրիական ռազմական ինքնաթիռները հինգշաբթի ռմբակոծել են ապստամբների կողմից վերահսկվող Սիրիայի հյուսիս-արևմուտքը՝ Թուրքիայի հետ սահմանի մոտ՝ փորձելով հետ մղել ապստամբների հարձակումը, որը վերջին տարիներին առաջին անգամ տարածքներ է գրավել։
«Մենք խորապես անհանգստացած ենք Սիրիայի հյուսիս-արևմուտքում տիրող իրավիճակից: Վերջին երեք օրերի անողոք հարձակումները խլել են առնվազն 27 խաղաղ բնակիչների կյանք, այդ թվում՝ մինչև ութ տարեկան երեխաների»,- ասել է Քարդենը։
Նա նշել է, որ «քաղաքացիական անձինք և քաղաքացիական ենթակառուցվածքները թիրախ չեն և պետք է պաշտպանված լինեն միջազգային մարդասիրական իրավունքի համաձայն»:
Թարգմանությունը՝ Էմմա Չոբանյանի
