01.10.2026 | 23:39
Արթուր Մարտիրոսյանը՝ ԱԺ աշխատակազմի ղեկավարի առաջին տեղակալ
Ընկերություն անելը լավ բան է․ Սիմիդյանը՝ իր և Էկոպարեկային ծառայության պետի մասին․ ՏԵՍԱՆՅՈՒԹ
Տեսանյութեր
29.11.2024 | 18:12
Այսօր ՇՄՆ ենթակայությամբ գործող Էկոպարեկային ծառայության գործարկմանն ընդառաջ միջոցառում անցկացվեց, որի ընթացքում ներկայացվեցին ծառայության գործունեության և համալրման շուրջ իրականացվող աշխատանքները։ Ճեպազրույցի ընթացքում Factor.am-ը հարց ուղղեց Շրջակա Միջավայրի նախարար Հակոբ Սիմիդյանին՝ արդյո՞ք Էկոպարեկային ծառայության պետի հետ ընկերական հարաբերությունները կաշկանդող հանգամանք չեն և թերացումների դեպքում արդյո՞ք դա չի խանգարի համապատասխան գնահատական տալ իր ենթակային։
«Եթե գիծ հատած լինենք, համապատասխան վերաբերմունք կստանանք»,- արձագանքեց Սիմիդյանը։
«Քաղաքական դաշտում էլ դարձել է մի բան, որ եթե որևէ մեկը որևէ մեկի հետ ընկերություն է անում, դա վատ բան է։ Ընկերություն անելը լավ բան է, բայց իմ և պարոն Կիրակոսյանի հարաբերությունները աշխատանքում կարգավորվում է օրենսդրությամբ։ Ես ունեմ իմ իրավունքններն ու պարտականությունները, պարոն Կիրակոսյանն էլ՝ իր։ Մեր ընկերությունը միայն կօգնի, որ մեր աշխատանքներն ավելի արդյունավետ իրականացնենք․ ընկերությամբ պայմանավորված որոշակի պարտավորություններ ենք ունենում»,- նշեց նախարարը։
Մանրամասները՝ տեսանյութում։
