26.05.2026 | 17:25
Զոհվածի ծնող եմ, շնորհակալ եմ Իսախանյանից, բայց կարա՞նք արտաշիրիմում անենք․ կինը դիմեց Փաշինյանին․ ՏԵՍԱՆՅՈՒԹ
Թբիլիսիում ԵՄ դեսպանը կարող է կանչվել Վրաստանի ԱԳՆ
Քաղաքականություն
29.11.2024 | 18:51
Վրաստանի վարչապետ Իրակլի Կոբախիձեն հայտարարել է, որ երկրի իշխանությունները կարող են արտաքին գործերի նախարարություն կանչել Թբիլիսիում ԵՄ դեսպան Պավել Հերչինսկիին, եթե «նրա վարքագծի մեջ փոփոխություններ չտեսնեն»։
«Առաջին քայլը [ԵՄ] դեսպանին Վրաստանի արտգործնախարարություն կանչելն է: Սա առաջին դիվանագիտական արձագանքն է, որ կարող է ունենալ ղեկավարությունը, երբ խոսքը վերաբերում է այն քայլերին, որոնք պետք է ձեռնարկվեն, եթե մենք վարքագծի փոփոխություն չտեսնենք»,- ասել է Կոբախիձեն ճեպազրույցում։
Նրա պնդմամբ՝ Հերչինսկին ներգրավված է եղել ընդդիմության նախընտրական արշավում և այդ պահվածքն անվանել է «կոպիտ միջամտություն երկրի ներքին գործերին»։
Այսօր ավելի վաղ Պավել Հերչինսկին «տխուր» էր անվանել Վրաստանի իշխանությունների որոշումը՝ դադարեցնել ԵՄ-ին երկրի անդամակցության շուրջ բանակցությունների մեկնարկի շուրջ քննարկումները։
Թարգմանությունը՝ Տաթև Ֆռանգյանի
