17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Չինացի միլիոնատերը կերել է 6,2 մլն դոլարով գնած բանանը
Քաղաքականություն
29.11.2024 | 17:27
Չինացի կրիպտոմիլիոնատեր Ջասթին Սանը կերել է կպչուն ժապավենով պատին ամրացված բանանը, որը գնել է 6,2 մլն դոլարով, հաղորդում է France24-ը։
Հոնկոնգի ամենաթանկ հյուրանոցներից մեկում Սանը տասնյակ լրագրողների և հայտնի մարդկանց ներկայությամբ կերել է բանանը, այնուհետև զուգահեռներ անցկացրել կոնցեպտուալ արվեստի և կրիպտոարժույթի միջև:
«Այն շատ ավելի լավ է, քան մյուս բանանները։ Իսկապես շատ լավն է»,- ասել է Սանը համտեսելուց հետո։
Անցյալ շաբաթ Նյու Յորքում Sotheby’s աճուրդում վաճառվել էր իտալացի նկարիչ Մաուրիցիո Կատելանի այս կոնցեպտուալ ստեղծագործությունը, որը կրում է «Կատակերգակ» անվանումը։ Սանն այն գնել է 6,2 մլն դոլարով։ Նա պատմել է, թե չի հավատացել, որ հայտը շահել է, իսկ 10 վայրկյան անց որոշել է, որ այն ուտելու է։
«Մամուլի ասուլիսի ժամանակ այն ուտելը կարող է նաև արվեստի գործի պատմության մի մասը դառնալ»,- հայտարարել է նա։
Թարգմանությունը՝ Էմմա Չոբանյանի
