15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Կրեմլը նշել է Ուկրաինայում խաղաղապահների տեղակայման պայմանները
Քաղաքականություն
29.11.2024 | 16:16
ՌԴ նախագահի մամուլի քարտուղար Դմիտրի Պեսկովը մեկնաբանել է Ուկրաինայի տարածքում արևմտյան երկրներից խաղաղապահների հավանական տեղակայման մասին լուրերը։ Նրա խոսքով՝ դա հնարավոր է միայն կռվող կողմերի համաձայնությամբ, սակայն չի լուծի հակամարտության բուն պատճառները, փոխանցում է Կոմերսանտը։
«Խաղաղապահների տեղակայումը հնարավոր է միայն կոնկրետ հակամարտող կողմերի համաձայնությամբ։ Իհարկե, կարգավորման ճանապարհին հասնելու համար անհրաժեշտ է լուծել այս հակամարտության բուն պատճառները, և այստեղ ամեն ինչ շատ ավելի խորն է, քան խաղաղապահների առաքելություն ուղարկելն է»,- մամուլի ասուլիսի ժամանակ ասել է Դմիտրի Պեսկովը։
The Wall Street Journal-ն ավելի վաղ գրել է, որ ԱՄՆ նորընտիր նախագահ Դոնալդ Թրամփի խորհրդականները, ի թիվս այլ հարցերի, քննարկում են ճակատային գծի երկայնքով ապառազմականացված գոտու ստեղծման հարցը՝ որպես ուկրաինական հակամարտության վերջ։ Թե ով է այն վերահսկելու, չի որոշվել։
Պարբերականի զրուցակիցներից մեկը խոստովանել է, որ դրանք կարող են լինել եվրոպական երկրների զինվորականներ։
Թարգմանությունը՝ Տաթև Ֆռանգյանի
