26.05.2026 | 15:51
ԱԺ նիստն այդպես էլ չկայացավ․ քվորում չապահովվեց
Կիպրոսի նախագահը հաստատել է ՆԱՏՕ-ին անդամակցելու երկրի ծրագրերը
Քաղաքականություն
29.11.2024 | 13:09
Կիպրոսի նախագահ Նիկոս Խրիստոդոլիդիսը հաստատել է ՆԱՏՕ-ի անդամ դառնալու երկրի մտադրությունը՝ չնայած Թուրքիայի վետոյին։ Ներկայում Վաշինգտոնի հետ բանակցություններ են ընթանում մուտքի հնարավորության շուրջ, հայտնում է Skai-ն։
Խրիստոդոլիդիսի խոսքով՝ Կիպրոսի Հանրապետությունը ճանաչելու՝ Թուրքիայի մերժումը խոչընդոտում է Ազգային գվարդիայի արդիականացմանը և սահմանափակում ռազմական տեխնիկա ձեռք բերելու հնարավորությունը։ Նախագահն առաջին անգամ բացահայտ հայտարարել է նման ծրագրերի մասին՝ նշելով, որ այդ հարցը քննարկվել է ԱՄՆ նախագահ Ջո Բայդենի հետ Վաշինգտոն կատարած այցի ժամանակ։
Կիպրոսն արդեն բանակցություններ է սկսել ԱՄՆ-ի և Եվրամիության հետ՝ երկրի պաշտպանունակությունն ուժեղացնելու համար։ Այժմ խորհրդակցությունները շարունակվում են ԵՄ-ից ռազմածովային բազայի և ԱՄՆ-ից ավիաբազայի արդիականացման շուրջ:
Թարգմանությունը՝ Տաթև Ֆռանգյանի
