28.11.2024 | 18:17
Վեց ամսով արգելք է սահմանվել ցորենի, գարու, եգիպտացորենի, հնդկացորենի, արևածաղկի սերմի, արևածաղկի ձեթի արտահանման նկատմամբ
Հուսով ենք՝ առաջիկայում Հայաստանը կվերադառնա ՀԱՊԿ-ին լիարժեք մասնակցությանը․ Տասմագամբետով
Քաղաքականություն
28.11.2024 | 16:28
Աստանայում անցկացվող ՀԱՊԿ գագաթնաժողովին Հայաստանի ներկայացուցչի բացակայությունը բնութագրում է տարածաշրջանի ներկայիս աշխարհաքաղաքական իրավիճակը։ Այս մասին գագաթնաժողովում ունեցած ելույթում հայտարարել է Բելառուսի նախագահ Ալեքսանդր Լուկաշենկոն, փոխանցում է ԲԵԼՏԱ-ն։
«Այսօր ես պատիվ ունեմ առաջինը խոսելու, քանի որ մեր հայ գործընկերները չեն մասնակցում հանդիպմանը։ Ի դեպ, դա բնութագրում է ներկայիս աշխարհաքաղաքական իրավիճակը տարածաշրջանում և որոշ չափով նաև մեր կազմակերպությունում։ Առկա խնդիրների լուծման և անվտանգության արդյունավետ մեխանիզմներ ստեղծելու բանալին Եվրասիայում է՝ տարբեր ժողովուրդների համատեղ կյանքի, մշակույթների և քաղաքակրթությունների փոխներթափանցման հազարամյա փորձով»,- ասել է Լուկաշենկոն։
Գագաթնաժողովին Հայաստանի բացակայությանն անդրադարձել է նաև ՀԱՊԿ գլխավոր քարտուղար Իմանգալի Տասմագամբետովը։
«Հայաստանը եղել և մնում է մեր գործընկերը, և ՀԱՊԿ-ն հույս ունի, որ տեսանելի ապագայում Հայաստանը կվերադառնա կազմակերպության լիարժեք մասնակցությանը»,- ասել է նա:
Հիշեցնենք, որ ՀՀ իշխանությունները հայտարարել են ՀԱՊԿ-ին մասնակցությունը սառեցրելու մասին։
Թարգմանությունը՝ Տաթև Ֆռանգյանի
