26.06.2026 | 20:00
Ավինյանը պարգևատրել է Վարազդատ Լալայանին, Արսեն Հարությունյանին, Արթուր Դավթյանին և այլ մարզիկների
Փաշինյանն արագ այրվող գիսաստղ է, իսկ Պուտինի զանգը մեծ աջակցություն էր ինձ համար. Ռոբերտ Քոչարյանի հարցազրույցը Коммерсантъ-ին
Քաղաքականություն
19.09.2018 | 15:18
Նախագահները քաղաքականությունից չեն հեռանում. Коммерсантъ-ին տված հարցազրույցում՝ ի պատասխան հարցի,թե վերադարձել եք քաղաքականություն, պատասխանել է ՀՀ երկրորդ նախագահ Ռոբերտ Քոչարյանը:
Փաշինյանը հայտարարել է, որ այս տարվա վերջին կամ մյուս տարվա սկզբներին արտահերթ խորհրդարանական ընտրություններ են անցկացվելու Հայաստանում, ակտիվ քաղաքական դաշտ վերադառնալով Դուք աջակցելու եք Հանրապետակա՞ն կուսակցությանը, թե՞ Ձեր սեփական ուժն եք ունենալու՝ հարց է ուղղել լրագրողը: «Կարելի է ասել, որ ես դեռ չեմ կողմնորոշվել»,- նշել է ՀՀ պաշտոնաթող նախագահը:
Իսկ, թե ինչ է հասկացել նոր կառավարության ղեկավարման այս չորս ամիսների ընթացքում, պատասխանել է. « Փաշինյանի պոպուլիզմի անզուգական ձգտումը լուրջ մտահոգությունների տեղիք է տալիս: Դա ինձ հիշեցնում է լատինաամերիկյան պոպուլիզմը՝ Ուգո Չավեսի ոճով»:
Ըստ Քոչարյանի՝ Փաշինյանը գիսաստղ է, որը շատ արագ այրվում է:
Անդրադառնալով ՌԴ նախագահ Վլադիմիր Պուտինի՝ իր տարեդարձը զանգով շնորհավորելու փաստին, Ռոբերտ Քոչարյանն ասել է, որ այդ զանգը մեծ աջակցություն էր իր համար:
Մարտի 1-ի դեպքերի առնչությամբ լրագրողի դիտարկմանը, որ «իշխանությունը միշտ էլ զենք չկիրառելու հնարավորություն ունի», Քոչարյանն ասել է.«Տասը զոհի պատասխանատվությունը կրում են նրանք, ովքեր կազմակերպել էին զանգվածային անկարգությունները: Բայց քանի որ տվյալ պարագայում կար ընդդիմություն և իշխանություն, ինչ-որ առումով այդ պատասխանտվությունը կիսվում է»:
