08.01.2025 | 11:36
2024 թվականին պարենային ապրանքների համաշխարհային գները միջինում 2.1 տոկոսով ցածր էին 2023 թվականի ցուցանիշից
Աստանայում առանց ՀՀ-ի մասնակցության կայացել է ՀԱՊԿ անդամ երկրների ԱԳ նախարարների, ՊՆ-ների ու ԱԽ քարտուղարների նիստը
Քաղաքականություն
28.11.2024 | 11:11
Աստանայում ղազախական կողմի նախագահությամբ տեղի է ունեցել ՀԱՊԿ անդամ երկրների ԱԳ նախարարների խորհրդի, պաշտպանության նախարարների խորհրդի և անվտանգության խորհուրդների քարտուղարների կոմիտեի համատեղ նիստը։
ՀԱՊԿ մամուլի ծառայության հաղորդմամբ՝ միջոցառմանը մասնակցել են կառույցի գլխավոր քարտուղար Իմանգալի Տասմագամբետովը և ՀԱՊԿ միացյալ շտաբի պետ, գեներալ-գնդապետ Անդրեյ Սերդյուկովը։ Հանդիպման մասնակիցները մտքեր են փոխանակել հավաքական անվտանգության տարածաշրջաններում ստեղծված ռազմաքաղաքական իրավիճակի շուրջ, քննարկել համագործակցության արդյունքները և հավաքական անվտանգության համակարգի հետագա զարգացման հեռանկարները։
Նշվում է, որ հատուկ ուշադրություն է դարձվել 1941-1945 թվականների Հայրենական մեծ պատերազմում տարած հաղթանակի 80-ամյակի համատեղ տոնակատարության նախապատրաստման հարցերին։
«Հաստատվել են ՀԱՊԿ Հավաքական անվտանգության խորհրդի քննարկմանը ներկայացված մի շարք փաստաթղթեր, ինչպես նաև ընդունվել են որոշումներ՝ ուղղված դաշնակցային կապերի հետագա ամրապնդմանը, արտաքին քաղաքական համակարգման մեծացմանն ու Հավաքական ուժերի զարգացմանը»,-ասվում է հայտարարության մեջ։
Հավելենք, որ Հայաստանը ՀԱՊԿ միջոցառումներին չի մասնակցում։
Թարգմանությունը՝ Էմմա Չոբանյանի
