08.01.2025 | 23:43
Հրդեհ Վանթյան փողոցի տներից մեկում. դեպքի վայր է մեկնել չորս մարտական հաշվարկ
Ավտովթարից Ադրբեջանի բանակի հինգ զինծառայող է մահացել
Քաղաքականություն
28.11.2024 | 10:54
Ադրբեջանի Արտակարգ իրավիճակների նախարարությունը նախօրեին տեղեկություն է տարածել Թովուզի շրջանում տեղի ունեցած ՃՏՊ-ի մասին, որի հետևանքով 6 մարդ է զոհվել։ Ադրբեջանական լրատվամիջոցները գրում են, որ թեժ գծին տեղեկություն է ստացվել Ջեյրանչյոլ կոչվող տարածքում տեղի ունեցած վթարի մասին, ինչի հետևանքով մի քանի մարդ արգելափակվել է մեքենաների մեջ։ Պարզվել է, որ բախվել են «Մերսեդես» և «ՎԱԶ-2106» մակնիշի ավտոմեքենաներ։ Ադրբեջանի ՊՆ-ն հայտնում է, որ ճանապարհատրանսպորտային պատահարներից զոհվածներից հինգը զինվորականներ են։
Հաղորդվում է, որ վթարը տեղի է ունեցել ոչ ծառայողական ժամին։ Զոհվել են ադրբեջանական բանակի զինծառայողներ ավագ ենթասպա Ռուսլան Գուրբանովը, զինծառայողներ ավագ սերժանտ Գաբիլ Ալիևը, սերժանտ Ալիև Բահլուլը, սերժանտ Ահմեդով Գալանդարը և կրտսեր սերժանտ Մեհդիև Թուրանը։
Դեպքի առթիվ կատարվում է քննություն։
Թարգմանությունը՝ Էմմա Չոբանյանի
