30.04.2026 | 21:27
Այսօրվա փաստաթղթի ստորագրումը նշանակալի քայլ է գյուղական զարգացման ամրապնդման ճանապարհին. Պապոյան
Ուկրաինայի էներգետիկայի նախարարը հայտարարել է երկրի էներգետիկ օբյեկտներին ռուսական զանգվածային հարվածի մասին
Քաղաքականություն
28.11.2024 | 11:50
Ուկրաինայի էներգետիկայի նախարար Գերման Գալուշչենկոն հայտնել է, որ նոյեմբերի 28-ի առավոտյան ամբողջ Ուկրաինայի էներգետիկ օբյեկտները ռուսական բանակի զանգվածային հարձակմանն են ենթարկվել։ Պայթյուններ են տեղի ունեցել Օդեսայում, Խարկովում և այլ քաղաքներում, փոխանցում է Current Time-ը։
Գալուշչենկոյի խոսքով՝ ռուսական ռազմական հարվածներից հետո Ուկրաինայում արտակարգ հոսանքազրկումներ են։
«Էներգետիկ ոլորտը կրկին ենթարկվում է թշնամու զանգվածային հարձակմանը: Հաղորդման համակարգի օպերատոր NEC Ukrenergo-ն շտապ հոսանքազրկումներ է սկսել։ Հենց որ անվտանգային իրավիճակը թույլ տա, հետևանքները կպարզվեն»,- գրել է նա Facebook-ում։
Պայթյուններ են տեղի ունեցել Օդեսայում, Խարկովում, Լվովում, Լուցկում, Ռիվնեում և Կրոպիվնիցկիում (Կիրովոգրադի մարզ), հայտնում են ուկրաինական լրատվամիջոցները։ Զոհերի կամ տուժածների մասին տեղեկություններ չկան։
Ներկայում ամբողջ Ուկրաինայում հայտարարված է օդային ռմբակոծման նախազգուշացում։
Թարգմանությունը՝ Տաթև Ֆռանգյանի
