02.06.2026 | 12:47
Արման Ծառուկյանը հայտնել է՝ երբ է անցկացնելու հաջորդ մենամարտը UFC-ում
Զինված անձինք ներխուժել են CWR-ի և Խոսրովի անտառի սահմանակից տարածք․ ՏԵՍԱՆՅՈՒԹ
27.11.2024 | 15:45
Նոյեմբերի 23-ի գիշերն արտակարգ միջադեպ է տեղի ունեցել Կովկասյան կենսաբազմազանության ապաստարանի (CWR) և Խոսրովի անտառ պետական արգելոցի սահմանակից տարածքում․ տեղեկացնում են CWR-ից։
Մի խումբ անձինք՝ զինված հրազենով, որսորդական հանդերձանքով և գիշերային տեսողության սարքավորումներով, ներթափանցել են հատուկ պահպանվող տարածք:
Նշվում է, որ CWR աշխատակիցները ժամը 23:30-ից սկսած Տասանորդ (Դահնակ 2535 մ) լեռան լանջին նկատել են ավտոմեքենայի և ձեռքի լապտերների լույսեր։
– CWR աշխատակից Գևորգ Կարապետյանի ղեկավարությամբ իրականացվել է հետախուզում,
– Նախազգուշացվել են Խոսրովի անտառ պետական արգելոցի էկոպարեկային ծառայության աշխատակիցները,
– Համատեղ ուժերով փակվել են ճանապարհները,
– Կանխվել է խմբի փախուստը։
«Խումբը բռնվել է։ Առգրավվել են 2 միավոր ակոսափող հրազեն՝ առանց փաստաթղթերի։ Անձինք փորձել են կրակել պահպանության տեսախցիկի ուղղությամբ՝ փորձելով վնասել FPWC գույքը»,- ասված է հաղորդագրությունում։
Տարածքը գտնվում է հատուկ պահպանության ներքո՝ Վայրի բնության և մշակութային արժեքների պահպանման հիմնադրամի (FPWC) և պետական կառույցների կողմից։ Որսի իրականացումը խստիվ արգելված է։
