08.10.2026 | 10:22
Երևան–Սևան ճանապարհին միկրոավտոբուս է կողաշրջվել․ 8 տուժած կա
Թուրքիան ամրապնդում է իր դերը որպես գլոբալ քաղաքականության դերակատար. Էրդողանը ողջունել է Լիբանանում հրադադարը
Քաղաքականություն
27.11.2024 | 15:36
Թուրքիայի նախագահ Ռեջեփ Թայիփ Էրդողանը խորրդարանում իր ղեկավարած «Արդարություն և զարգացում» կուսակցության նիստում ողջունել է Իսրայելի ու Լիբանանի միջև հրադադարի մասին համաձայնագիրը, որն ուժի մեջ է մտել չորեքշաբթի առավոտյան, գրում է Turkiye today-ը։
Նա նշել է, որ Թուրքիան պատրաստ է ամեն կերպ նպաստել Գազայում շարունակվող ջարդերը դադարեցնելու և մշտական զինադադար հաստատելու համար։
«Մենք գոհ ենք Իսրայելի և Լիբանանի միջև այսօր առավոտյան ուժի մեջ մտած հրադադարի համաձայնագրից։ Ակնկալում ենք, որ բոլոր կողմերը, հատկապես՝ Իսրայելը, կկատարեն իրենց պարտականությունները խաղաղության պահպանման առումով»,- ասել է Թուրքիայի նախագահը։
Նա նաև հայտարարել է, թե աշխարհը նոր և արմատական փոփոխությունների շեմին է։
«Մեր տարածաշրջանն այրվում է պատերազմի ու կեղեքման հորձանուտում։ Մենք կանգնած ենք պատմական պատասխանատվության առաջ։ Մենք պայքարում ենք մեր կայունությունն ու տնտեսությունը պահպանելու համար։ Մենք անխոնջ աշխատում ենք հանուն խաղաղության և կայունության ոչ միայն մեր տարածաշրջանում, այլ ամբողջ աշխարհում: Թուրքիան անշեղորեն ամրապնդում է իր դիրքերը՝ որպես գլոբալ քաղաքականության առանցքային դերակատար»,- ասել է Էրդողանը։
Թարգմանությունը՝ Էմմա Չոբանյանի
