06.01.2025 | 22:35
Նոր համաճարա՞կ․ Չինաստանում մետապնևմովիրուսի բռնկում է
Ռուսաստանը դեռ օգնություն չի խնդրել ՀԱՊԿ-ից ATACMS-ի հարվածների հետ կապված
Քաղաքականություն
27.11.2024 | 15:02
Հավաքական անվտանգության պայմանագրի կազմակերպության (ՀԱՊԿ) գլխավոր քարտուղար Իմանգալի Տասմագամբետովը հայտարարել է, որ Ռուսաստանը դեռևս օգնություն չի խնդրել կազմակերպությունից Ռուսաստանի տարածքում ուկրաինական զինուժի կողմից հեռահար ATACMS հրթիռներով հարվածների պատճառով։
Նրա խոսքով՝ հարվածների թեման ներառված չէ ՀԱՊԿ առաջիկա հանդիպման օրակարգում։ Այնուամենայնիվ, մասնակից պետությունների ղեկավարները կքննարկեն ընդհանուր իրավիճակը կազմակերպության պատասխանատվության գոտում և նրա սահմաններում՝ ընդգրկելով Արևելյան Եվրոպայի, Կովկասի և Կենտրոնական Ասիայի տարածաշրջանները։
«Հավաքական անվտանգության պայմանագրի շրջանակում օգնության, այդ թվում՝ ռազմական օգնության տրամադրումն իրականացվում է հենց մասնակից պետության խնդրանքով։ Ինչպես գիտեք՝ պայմանագրի այս դրույթն արդեն իսկ կիրառվել է գործնականում։ Այս պահին Ռուսաստանից նման հարցում չի ստացվել»,- ՏԱՍՍ-ին տված հարցազրույցում ասել է Տասմագամբետովը։
Ռուսաստանի Պաշտպանության նախարարությունը նոյեմբերի 19-ին հայտարարել է ուկրաինացի զինվորականների կողմից արևմտյան արտադրության հրթիռների առաջին կիրառման մասին։ Նոյեմբերի 23-ին և 25-ին Ուկրաինայի զինված ուժերը հեռահար ATACMS հրթիռներով հարվածներ են հասցրել Կուրսկի շրջանի տարածքին։
Թարգմանությունը՝ Տաթև Ֆռանգյանի
