29.04.2026 | 00:57
Չեմպիոնների լիգա․ ՊՍԺ-ն գերգոլառատ խաղում հաղթեց «Բավարիային». ՏԵՍԱՆՅՈՒԹ
Պաշտոնատար անձանց կհրավիրենք քննիչ հանձնաժողովի նիստին, որից հրաժարվելու իրավունք նրանք չունեն․ Գևորգ Կոստանյան․ ՏԵՍԱՆՅՈՒԹ
Քաղաքականություն
19.09.2018 | 12:27
Ազգային ժողովում այսօր մեկնարկեց ԱԱԾ և ՀՔԾ ղեկավարներին գաղտնալսելու հարցով ստեղծված քննիչ հանձնաժողովի անդրանիկ նիստը, որը վարում էր հանձնաժողովի նախագահ Գևորգ Կոստանյանը։
Վերջինս նշեց, որ հանձնաժողովի նիստի գումարման նպատակն է քննել հեռախոսազանգերի գաղտնիության ապահովման դետալային խնդիրները և նախաքննության օրինականության սահմանադրական կարգի ապահովումը։
«Մենք առիթ ունեցել ենք արդեն խոսելու այն հանգամանքի մասին, որ քանի որ քրեական գործեր կան հարուցված գաղտնալսումների գործով, նման հանձնաժողովի նիստ չէր կարելի հրապարակել, սակայն, ինչպես արդեն ասել եմ, հիմա ևս մեկ անգամ պնդում եմ՝ գաղտնիության ապահովման և արդարադատությանը խոչընդոտելու փաստի առիթներով քրեական գործեր հարուցված չեն, ուստի հանձնաժողովում կքննարվեն նաև այս հարցերը»,- ասաց Կոստանյանը։
Գևորգ Կոստանյանը նշեց, որ հանձնաժողովն ունի իրավասություն համապատասխան մարմիններից պահանջել անհրաժեշտ փաստաթղթեր, ինչպես նաև պաշտոնատար անձնաց հանձնաժողովի նիստերին հրավիրել։ «Նրանք պարտավոր են ներկայանալ այս հանձնաժողովի նիստերին, իսկ ոչ պաշտոնատար անձանց հանձնաժողովը կհրավիրի նիստին, սակայն նրանք ունեն իրավունք չներկայանալ դրան»,- ասաց հանձնաժողովի նախագահը։
Հանձնաժողովի անդամները հաստատեցին աշխատանքի օրակարգը։ Հաջորդ նիստը կկայանա սեպտեմբերի 26-ին։
Մանրամասները՝ տեսանյութում։
