16.05.2026 | 17:19
Ուկրաինա են վերադարձվել 528 զոհված զինծառայողների մարմիններ
Ռուսական զորքերը հարվածել են Խարկովի կենտրոնին․ կան վիրավորներ
Քաղաքականություն
25.11.2024 | 12:54
Ռուսական զորքերը հարվածել են Խարկովի կենտրոնին, վիրավորվել է առնվազն 15 մարդ, որոնցից 9-ը հոսպիտալացվել է։ Այս մասին հայտնել է Խարկովի շրջանային ռազմական վարչակազմի ղեկավար Օլեգ Սինեգուբովը, գրում է Current time-ը։
Նա նշել է, որ հարվածի հետևանքով կենտրոնական փողոցներից մեկում հրդեհ է բռնկվել, հրդեհվել է երեք ավտոմեքենա և ոչ բնակելի շենք։
Խարկովի քաղաքապետ Իգոր Տերեխովն էլ հայտնել է, որ հարձակումը տեղի է ունեցել քաղաքի Կիևի շրջանում՝ խիտ բնակելի շենքերով։ Նրա խոսքով՝ հարվածի հետևանքով հրդեհվել են տնտեսական շինություններ։
Նշենք, որ նոյեմբերի 19-ին Խարկովի Կիևի շրջանը կրկին ենթարկվել էր ռուսական հարձակման, որի հետևանքով 12 մարդ էր վիրավորվել։ Տուժածներից մեկը հոսպիտալացվել էր ծանր վիճակում։
Ռուսական կողմը չի մեկնաբանել Խարկովի վրա նոր հարձակումը։
Թարգմանությունը՝ Էմմա Չոբանյանի
