18.07.2026 | 10:51
Վենեսուելայում երկրաշարժերի հետևանքով զոհերի թիվը գերազանցել է 5000-ը
Ֆրանսիայի արտաքին գործերի նախարարությունն ի գիտություն է ընդունել Նեթանյահուի նկատմամբ ՄՔԴ-ի կալանավորման օրդերը
Քաղաքականություն
22.11.2024 | 20:16
Ֆրանսիայի ԱԳՆ-ն «ի գիտություն է ընդունել» Իսրայելի վարչապետ Բենիամին Նեթանյահուի և պաշտպանության նախկին նախարար Յոավ Գալանտի նկատմամբ Միջազգային քրեական դատարանի (ՄՔԴ) որոշումները և մատնանշել է Գազայի հատվածում քաղաքացիական անձանց պաշտպանությունը միջազգային իրավունքի պահանջներին համապատասխանեցնելու անհրաժեշտությունը: Այս մասին ասված է գերատեսչության հաղորդագրության մեջ։
«Ֆրանսիան ի գիտություն է ընդունում այս որոշումը: Սա դատավճիռ չէ, այլ մեղադրանքների պաշտոնականացում», – ուրբաթ օրը հայտարարել է ԱԳՆ-ն՝ նշելով, որ Փարիզը հավատարիմ է մնում «ՄՔԴ-ի անկախ աշխատանքին»:
«Ինչ վերաբերում է Գազայում տիրող իրավիճակին, Ֆրանսիան հիշեցնում է, որ հակամարտության հենց սկզբից կոչ է արել խստորեն պահպանել միջազգային մարդասիրական իրավունքը և պաշտպանել խաղաղ բնակիչներին, ինչը պարտադիր է բոլոր կողմերի համար, և դատապարտել է դրա խախտումները»,- հայտնել են ԱԳՆ-ից։
Թարգմանությունը՝ Տաթև Ֆռանգյանի
