15.12.2025 | 14:50
ԱԺ Պետական-իրավական հարցերի մշտական հանձնաժողովի արտահերթ նիստը․ ՈՒՂԻՂ
Հարավային Կորեան հայտնում է, որ ՌԴ-ն ՀՕՊ համակարգեր է փոխանցել ԿԺԴՀ-ին
Քաղաքականություն
22.11.2024 | 22:17
Հարավային Կորեայի ազգային անվտանգության հարցերով խորհրդական Շին Վոն Սիկը հայտարարել է, որ Ռուսաստանը Հյուսիսային Կորեային է փոխանցել հակաօդային հրթիռներ և հակաօդային պաշտպանության համակարգեր՝ Հյուսիսային Կորեայի զինվորներին Ուկրաինայի հետ պատերազմին ուղարկելու դիմաց։ Այս մասին նա ասել է SBS հեռուստաալիքի եթերում, գրում է Meduza-ն։
«Հյուսիսային Կորեան ստացել է համապատասխան սարքավորումներ և հակաօդային հրթիռներ՝ ուժեղացնելու իր թույլ հակաօդային պաշտպանության համակարգը», – նշել է նա։
Սիկը նաև հավելել է, որ Փհենյանը, ամենայն հավանականությամբ, ռազմական տեխնոլոգիաներ կստանա Մոսկվայից՝ իր արբանյակային ծրագրին աջակցության համար։
Կուրսկի շրջանում, ըստ Ուկրաինայի և արևմտյան երկրների, ԿԺԴՀ-ի ավելի քան 10 հազար զինվորական կա, որոնք ենթադրաբար մասնակցում են պատերազմին Ռուսաստանի կողմից։
Թարգմանությունը՝ Էմմա Չոբանյանի
