09.09.2026 | 11:04
ԱԺ ֆինանսավարկային և բյուջետային հարցերի մշտական հանձնաժողովի նիստը․ ՈՒՂԻՂ
Բրիտանացի կրիպտոարժույթի մայների ընկերուհին աղբամանն է նետել 750 միլիոն դոլար արժողությամբ կոշտ սկավառակը
Քաղաքականություն
22.11.2024 | 16:11
Բրիտանացի կրիպտոարժույթի մայներ Ջեյմս Հոուելսը մտադիր է դատի տալ Նյուպորտ քաղաքին, որ թույլ չի տվել իրեն որոնողական աշխատանքներ անցկացնել աղբավայրում՝ գտնելու իր կոշտ սկավառակը, որը պարունակում է մոտ 750 միլիոն դոլար արժողությամբ Bitcoin դրամապանակի անձնական բանալին, հայտնում է Fortune ամսագիրը:
«Կրիպտոարժույթի ռազմատենչ սիրահարը նախատեսում է դատի տալ կես միլիարդ բրիտանական ֆունտի (628 միլիոն դոլար) պահանջով, եթե իրեն որոնումների համար թույլտվություն չտրամադրեն»,- գրում է ամսագիրը։
Ըստ պարբերականի՝ 39-ամյա Հաուելսը սկսել է կրիպտոարժույթի մայնինգը 2009 թվականին, նա իր խնայողությունները պահել է շարժական կոշտ սկավառակի վրա։ 2013 թվականին Հոուելսը սկավառակը դրել է տոպրակի մեջ, որը նախկին ընկերուհին սխալմամբ նետել է աղբարկղը։
Այդ ժամանակից ի վեր տղամարդը չի հրաժարվել այն աղբավայրում որոնումների փորձերից, քանի որ Bitcoin-ի արժեքը արդեն հասել է շուրջ 100000 դոլարի, և այդ դրամապանակի պարունակությունը ներկա փոխարժեքով կարող է լինել ավելի քան 749 միլիոն դոլար:
Սակայն Նյուպորտի քաղաքային խորհուրդը, որին պատկանում է աղբավայրը, Հոուելսին թույլտվություն չի տալիս որոնումներ իրականացնել, չնայած նրան, որ տղամարդն առաջարկել է քսակի գումարի մեկ քառորդը ծախսել ի շահ քաղաքի։ Ըստ Հաուելսի, նա արդեն իր դիմումներին տասը մերժում է ստացել ։
Թարգմանությունը՝ Տաթև Ֆռանգյանի
