07.11.2026 | 18:08
Իմ խնդիրն է՝ Հայաստանն իր միջազգայնորեն ճանաչված տարածքներով և բաց սահմաններով հանձնել երիտասարդությանը. վարչապետ
Պուտինը մեկնաբանել է հեռահար զենքի օգտագործման հնարավորությունը
Քաղաքականություն
21.11.2024 | 21:45
Ռուսաստանի Դաշնության տարածքում առանց այն երկրների մասնագետների, որտեղ այն արտադրվել է, հնարավոր չէ հեռահար զենք օգտագործել, դա հայտնի է, «ՌԻԱ Նովոստի»-ի փոխանցմամբ՝ հայտարարել է Ռուսաստանի նախագահ Վլադիմիր Պուտինը:
«Փորձագետներին քաջ հայտնի է, և ռուսական կողմը դա բազմիցս ընդգծել է, որ առանց այդպիսի զենք արտադրող երկրների ռազմական մասնագետների ուղղակի մասնակցության նման (հեռահար) զենք օգտագործելն անհնար է», – ասել է Պուտինը:
Միացյալ Նահանգները սխալ է թույլ տվել՝ միակողմանիորեն քանդելով 2019 թվականին միջին և փոքր հեռահարության հրթիռների ոչնչացման մասին պայմանագիրը՝ հայտարարել է ՌԴ նախագահ Վլադիմիր Պուտինը:
«Կարծում ենք, որ ԱՄՆ-ը սխալ է թույլ տվել՝ 2019 թվականին միակողմանիորեն քանդելով միջին և փոքր հեռահարության հրթիռների ոչնչացման մասին պայմանագիրը՝ մտացածին պատրվակով»,- ասել է նա:
Հիշեցնենք՝ որ երեկ Կիևն առաջին անգամ բրիտանական Storm Shadow հեռահար հրթիռներ է օգտագործել ՌԴ տարածքին հարվածելու համար։
