18.07.2026 | 13:06
Հակակոռուպցիոն կոմիտեն դիմել է Արդարադատության նախարարությանը՝ helpcourt.am-ի գործունեության հարցով
Ադրբեջանի կառավարությունը փոխել է ՀՕՊ համակարգերի կիրառման կանոնները
Քաղաքականություն
21.11.2024 | 15:51
Ադրբեջանի կառավարությունը փոփոխություններ է կատարել պետական սահմանը խախտող օդանավերի և թռչող սարքերի դեմ հակաօդային պաշտպանության ուժերի հերթապահ ուժերի և ռազմական տեխնիկայի օգտագործման կանոններում։
Ադրբեջանական լրատվամիջոցները հայտնում են, որ փաստաթուղթը ստորագրել է երկրի վարչապետ Ալի Ասադովը։
Ըստ այդմ՝ կամավոր ռազմահայրենասիրական տեխնիկական և սպորտային ընկերակցությունն այլևս չի մասնակցի հակաօդային պաշտպանության և քաղաքացիական պաշտպանության առաջադրանքներին։ Այս գործառույթներն այժմ վերապահված են բացառապես պետական և հանրային կառույցներին։
Փոփոխությունները հստակեցնում են նաև հակաօդային պաշտպանության գործողությունները փոքր և ցածր թռչող թիրախներ հայտնաբերելիս, ներառյալ ավիացիայի օգտագործումը: Քաղաքացիական պաշտպանության քարոզչությամբ զբաղվելու են Արտակարգ իրավիճակների նախարարությանն առընթեր մասնագիտացված լրատվամիջոցները։
Թարգմանությունը՝ Էմմա Չոբանյանի
