13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Մոլդովան և Մեծ Բրիտանիան անվտանգության համաձայնագիր են ստորագրել
Քաղաքականություն
21.11.2024 | 11:41
Մոլդովան Մեծ Բրիտանիայի հետ անվտանգության և պաշտպանության ոլորտում համագործակցության համաձայնագիր է ստորագրել։ Այս մասին հայտնել է Reuters-ը։
Նշվում է, որ Բրիտանիան և Ռումինիան իրենց աջակցությունն են առաջարկել Մոլդովային՝ հաղթահարելու Ռուսաստանի 1000-օրյա ներխուժման հետևանքները հարևան Ուկրաինա։ Համաձայն Մեծ Բրիտանիայի հայտարարության՝ համաձայնագրի նպատակն է ընդլայնել համագործակցությունը երկու երկրների միջև և ուժեղացնել Մոլդովայի դիմադրողականությունը արտաքին սպառնալիքներին։ Մեծ Բրիտանիայի արտաքին գործերի նախարար Դեյվիդ Լեմմին նշել է ուկրաինացի փախստականների զգալի հոսք Մոլդովա այն բանից հետո, երբ ռուսական ներխուժումը սկսվել է 2022 թվականի փետրվարին, այդ թվում՝ 50 հազար երեխա։
Համագործակցության շրջանակներում ստորագրվել է նաև ռեադմիսիայի համաձայնագիր, որը կապահովի Մեծ Բրիտանիայում անօրինական գտնվող Մոլդովայի քաղաքացիների վերադարձը։ Բացի այդ, Լոնդոնը կտրամադրի 2 միլիոն ֆունտ ստերլինգ՝ բարելավելու Մոլդովայի պաշտպանությունը կիբերհարձակումներից, և 5 միլիոն ֆունտ՝ առողջապահական համակարգի ամրապնդման և փախստականներին օգնելու համար:
Թարգմանությունը՝ Տաթև Ֆռանգյանի
