09.09.2026 | 11:04
ԱԺ ֆինանսավարկային և բյուջետային հարցերի մշտական հանձնաժողովի նիստը․ ՈՒՂԻՂ
ՌԴ-ն զանգվածային հրթիռային հարված է հասցրել Ուկրաինային
Քաղաքականություն
21.11.2024 | 11:07
ՌԴ ռազմավարական ռմբակոծիչները թևավոր հրթիռներ են արձակել Ուկրաինայի տարածքի ուղղությամբ։ Ուկրաինական մոնիտորինգային ալիքները հայտնում են Չեռնիգովի շրջանի օդային տարածք հրթիռների երեք խմբի մուտքի մասին, գրում է BBC-ի ռուսական ծառայությունը։
Արձակումներն իրականացրել են վեց Տու-95 ռմբակոծիչներ, որոնցից յուրաքանչյուրը կարող է մի քանի հրթիռ կրել։
Ռուսական ռազմավարական ռմբակոծիչների կողմից արձակված թևավոր հրթիռները հասել են Պոլտավայի շրջանի Կրեմենչուգ և Դնեպր: Մոնիթորինգային ալիքները հաղորդում են պայթյունների մասին այս տարածքներում:
Դնեպրոպետրովսկի շրջանային վարչակազմի ղեկավարը հայտնում է, որ, ըստ նախնական տեղեկությունների, Դնեպրում ռուսական զանգվածային հրթիռային հարձակման հետևանքով որոշակի արդյունաբերական ձեռնարկությունում ավերածություններ են տեղի ունեցել, և երկու տեղ հրդեհներ են բռնկվել։ Վարչակազմի ղեկավար Սերգեյ Լիսակն այլ մանրամասներ դեռ չի հայտնել։
Թարգմանությունը՝ Տաթև Ֆռանգյանի
