05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Պահանջում ենք դադարեցնել Ադրբեջանի դեմ քայլերը․ Բաքուն իր հերթին է Ֆրանսիայի դեսպանին կանչել ԱԳՆ
Քաղաքականություն
20.11.2024 | 17:31
Ադրբեջանում Ֆրանսիայի դեսպան Անն Բուայոնն այսօր կանչվել է երկրի ԱԳ նախարարություն։ Ադրբեջանական կողմի հաղորդագրության համաձայն՝ հանդիպման ընթացքում դեսպանին բողոք է փոխանցվել, որ ՄԱԿ-ի Կլիմայի փոփոխության շրջանակային կոնվենցիայի (COP29) Կողմերի համաժողովի նախօրեին և 29-րդ նստաշրջանի ընթացքում Ֆրանսիան, իբր, «թիրախավորել է Ադրբեջանի նախագահությանը»։
«Ընդգծվել է, որ անընդունելի է Ադրբեջանի կողմից կազմակերպված ՄԱԿ-ի այս հեղինակավոր միջոցառումը բոյկոտելու կոչերը, Ֆրանսիայի խրախուսումը բազմաթիվ պետությունների ղեկավարների՝ չմասնակցել միջոցառմանը, ինչպես նաև Ֆրանսիայի հատուկ ջանքերը COP29 համաժողովի մեկնարկին, որն անհիմն քննադատել է մեր նախագահությունը»,- ասվում է հայտարարությունում։
Բացի այդ, դեսպանի ուշադրությանն է ներկայացվել, որ «Ֆրանսիայի գործողությունները, որը լայնածավալ զինում է Հայաստանին, նպաստում է ռազմականացմանն ու ռևանշիզմին և հարված է խաղաղության գործընթացին»։
«Մենք պահանջում ենք, որ Ֆրանսիան դադարեցնի Ադրբեջանի դեմ ուղղված քայլերը, որոնք վտանգում են կարգավորման գործընթացը»,- նշվում է ԱԳՆ-ի հաղորդագրությունում։
Հիշեցնենք, որ ավելի վաղ Փարիզում Ադրբեջանի դեսպանը կանչվել էր Ֆրանսիայի ԱԳՆ՝ Իլհամ Ալիևի հայտարարությունների պատճառով։
Թարգմանությունը՝ Էմմա Չոբանյանի
