11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Կրեմլը մերժել է Ուկրաինայում հակամարտությունը սառեցնելու տարբերակը
Քաղաքականություն
20.11.2024 | 18:00
ՌԴ նախագահի մամուլի քարտուղար Դմիտրի Պեսկովը հայտարարել է, որ Ուկրաինայում հակամարտությունը սառեցնելու տարբերակը Մոսնվան չի ընդունի։ Նա կարևոր է համարել «ռազմական օպերացիայի սահմանված նպատակներին» հասնելը։ Միաժամանակ, Պեսկովը պարզաբանել է, որ Վլադիմիր Պուտինը պատրաստ է բանակցությունների՝ հակամարտության կարգավորման համար, փոխանցում է Կոմերսանտը։
«Նախագահը բազմիցս, ավելի ճիշտ՝ անընդհատ հայտարարում է, որ պատրաստ է շփումների և բանակցությունների։ Նախագահը նաև արդեն ասել է, որ հակամարտությունը սառեցնելու ցանկացած տարբերակ մեզ հարմար չէ»,- ասել է Կրեմլի ներկայացուցիչը։
Reuters-ը, հղում անելով իր աղբյուրներին, ավելի վաղ հայտնել էր, որ Վլադիմիր Պուտինը բաց է ԱՄՆ նորընտիր նախագահ Դոնալդ Թրամփի հետ Ուկրաինայում հրադադարի մասին համաձայնագրի քննարկման համար։ Գործակալության զրուցակիցները պնդել են, որ Կրեմլը կարող է համաձայնել սառեցնել հակամարտությունն առաջնագծում։
Թարգմանությունը՝ Տաթև Ֆռանգյանի
