19.11.2024 | 19:29
Մոլդովայի ոստիկանությունը հայտնել է Քիշնևում ԱԹՍ-ի ընկնելու մասին
AUKUS-ի երկրները համաձայնագիր են ստորագրել գերձայնային զենքի համատեղ փորձարկման մասին
Քաղաքականություն
19.11.2024 | 17:04
ԱՄՆ-ը, Ավստրալիան և Մեծ Բրիտանիան համաձայնագիր են ստորագրել AUKUS դաշինքի շրջանակում գերձայնային տեխնոլոգիաների փորձարկման հարցում համագործակցելու մասին։ VOA-ի փոխանցմամբ՝ այս մասին ասվում է Պենտագոնի տարածած հայտարարության մեջ։
Նախաձեռնությունը ներառում է տեխնիկական փորձաքննության և փորձարկման սարքավորումների փոխանակում հարձակողական ու պաշտպանական գերձայնային տեխնոլոգիաներին աջակցելու համար:
Համաձայնագիրը նախատեսում է մինչև 2028 թվականն իրականացնել մինչև 6 եռակողմ թռիչքային փորձնական արշավ՝ 252 միլիոն դոլար կոլեկտիվ ֆինանսավորմամբ:
«Մենք ընդլայնում ենք հարձակողական և պաշտպանական տեխնոլոգիաների մշակման և մատուցման մեր հավաքական կարողությունը մի շարք մանրակրկիտ մշակված եռակողմ փորձարկումների միջոցով»,- ասել է ԱՄՆ պաշտպանության փոխնախարար Հայդի Շուն:
Ծրագրի նպատակն է նաև զարգացնել այնպիսի տեխնոլոգիաներ, ինչպիսիք են բարձր ջերմաստիճանի նյութերը, առաջադեմ շարժիչ համակարգերը, ուղղորդման և կառավարման մեխանիզմները:
Թարգմանությունը՝ Տաթև Ֆռանգյանի
