09.09.2026 | 09:44
Հանրապետությունում ավտոճանապարհներն անցանելի են
ՄԱԿ-ի Գլխավոր վեհաժողովը ՀԱՊԿ-ի հետ համագործակցության մասին բանաձև է ընդունել․ ՀՀ-ն այն ներկայացնողների թվում չէ
Քաղաքականություն
19.11.2024 | 14:54
ՄԱԿ-ի Գլխավոր վեհաժողովը 79-րդ նստաշրջանի ընթացքում բանաձև է ընդունել ՄԱԿ-ի և Հավաքական անվտանգության պայմանագրի կազմակերպության (ՀԱՊԿ) համագործակցության մասին, հայտնում է Ինտեֆաքս-ը՝ վկայակոչելով ՀԱՊԿ մամուլի ծառայությանը։
«Փաստաթղթում ընդգծվում է, որ ՀԱՊԿ-ը զգալի գործնական ներդրում ունի իր խաղաղապահ ներուժի և տարածաշրջանային անվտանգության ու կայունության համակարգի ամրապնդման, ահաբեկչության և կազմակերպված անդրազգային հանցավորության դեմ պայքարում, թմրանյութերի և զենքի ապօրինի շրջանառության, անկարգապահ միգրացիայի և մարդկանց առևտրի դեմ պայքարում բնական և տեխնածին աղետների վերացման գործում, որը նպաստում է ՄԱԿ-ի նպատակների և սկզբունքների իրականացմանը»,- ասվում է հայտարարության մեջ։
Նշվում է, որ Գլխավոր վեհաժողովը ՄԱԿ-ի գլխավոր քարտուղարին առաջարկել է շարունակել կանոնավոր խորհրդակցություններ անցկացնել ՀԱՊԿ գլխավոր քարտուղարի հետ՝ երկկողմ շփումների և տարբեր ձևաչափերի ֆորումների շրջանակում։
Հաղորդագրության համաձայն՝ ՄԱԿ-ը և ՀԱՊԿ-ը կշարունակեն համագործակցել՝ ՄԱԿ-ի ահաբեկչության դեմ պայքարի համաշխարհային ռազմավարության հետևողական և համապարփակ իրականացման համար։
«Երկու կազմակերպություններն էլ կուսումնասիրեն խաղաղության պահպանման ոլորտում համագործակցության հետագա ամրապնդման հնարավոր ուղիները»,- ասվում է հայտարարության մեջ։
Բանաձևը ներկայացվել է կազմակերպության անդամ երկրների՝ Բելառուսի, Ղազախստանի, Ղրղզստանի, ՌԴ-ի ու Տաջիկստանի կողմից։ Հայաստանը ևս ՀԱՊԿ անդամ է, սակայն սառեցրել է մասնակցությունը կազմակերպության գործունեությանը։
Թարգմանությունը՝ Էմմա Չոբանյանի
