05.09.2026 | 13:49
Էլիզա Գասպարյանը որոնվում է որպես անհետ կորած
Արփինե Հովհաննիսյանը ԵԽԽՎ նիստում ներկայացրել է ՀՀ վերջին ներքաղաքական զարգացումներն ու սահմանների գնդակոծության վերաբերյալ տեղեկատվություն է փոխանցել
Քաղաքականություն
18.09.2018 | 14:29
ԱԺ փոխնախագահ, ԵԽԽՎ պատվիրակության ղեկավար Արփինե Հովհաննիսյանը ֆեյսբուքում գրառում է կատարել, որո տեղեկացրել է, որ ԵԽԽՎ մոնիթորինգային հանձնաժողովի նիստում հայկական սահմանների գնդակոծության վերաբերյալ տեղեկատվություն է փոխանցել ու ներկայացրել է Հայաստանի վերջին ներքաղաքական զարգացումները։
«Հայկական սահմանների գնդակոծության վերաբերյալ տեղեկատվության փոխանցում
Երեկ ԵԽԽՎ մոնիթորինգային հանձնաժողովի նիստում տեղեկացրել եմ Ադրբեջանի կողմից Կոթի գյուղի վրա կրակ բացելու, դրա հետեւանքով ՀՀ քաղաքացի Սուրեն Սեփխանյանի վիրավորվելու, ինչպես նաև Ադրբերջանի կողմից քաղաքացիական այլ բնակավայրերի գնդակոծման վերաբերյալ։ Օգտվելով Հայաստանի վերջին ներքաղաքական իրադարձություններից՝ ադրբեջանական իշխանությունները փորձում են ղարաբաղյան հակամարտության կարգավորման հնարավոր անհաջողությունները բարդել հայկական կողմի վրա։ Բազմիցս ասել եմ եւ չեմ խորշի եւս մեկ անգամ կրկնել՝ արցախյան հարցում մենք ավելի քան միասնական ենք։
Ինչ վերաբերում է հանձնաժողովի օրակարգային հարցերին, ապա օրակարգին համապատասխան հանձնաժողովի խնդրանքով ներկայացրել եմ Հայաստանի վերջին ներքաղաքական զարգացումները։ Հաշվի առնելով հանձնաժողովի գործունեության գաղտնապահական կարգը՝ կայացված որոշումների, հանձնաժողովի դիրքորոշման մասին կտեղեկացնեմ, երբ դրանք կգաղտնազերծվեն»,- գրել է նա:
