21.01.2026 | 23:30
Ինչ իրավիճակ է Հայաստանի ճանապարհներին և Լարսում
Թուրքիան դիմավորում է Վաշինգտոնում խաղաղ ցուցարարներին ծեծելու համար դատապարտված թիկնապահին՝ որպես հերոսի. ANCA
Քաղաքականություն
18.09.2018 | 14:18
Թուրքիան դիմավորում է Սինան Նարինին՝ որպես հերոսի: Վաշինգտոնում (2017թ, մայիսին) ամերիկյան ցուցարարների դաժանորեն ծեծի ենթարկելու համար 11 ամիս ազատազրկման դատապարտվելուց հետո Թուրքիա է վերադարձել Ռեջեփ Թայիփ Էրդողանի թիկնազորի անդամը. փոխանցում է ANCA-ն՝ Հայ դատի ամերիկյան գրասենյակը:
«Ոչ մի զղջում: Ոչ մի ափսոսանք. մեծ հպարտության ժամանակ»,- տեսանյութը մեկնաբանել է ANCA-ն՝, ապա հավելել, որ կատարվածի ուղերձը հետևյալն էր. «Մենք կրկին ուզում ենք դա անել»:
Հիշեցնենք, որ 2017թ. մայիսին Թուրքիայի նախագահ Ռեջեփ Թայիփ Էրդողանի՝ ԱՄՆ կատարած պաշտոնական այցի դեմ բողոքարկող խաղաղ ցուցարարների վրա Էրդողանի թիկնազորը հարձակում էր իրականացնել թուրքական դեսպանատան մոտ։
«Այդ տեսակ բռնություն ԱՄՆ-ի մայրաքաղաքում երբեք չէիք կարող ակնկալել։ Նմանատիպ բռնություն հատուկ է միայն Էրդողանի Թուրքիային կամ մեկ այլ բռնապետության»,- ասել էր ԱՄՆ Հայ դատի հանձնախմբի (ANCA) գործադիր տնօրեն Արամ Համբարյանը՝ հավելելով․ «Սա անհանդուրժողականության այն տեսակն է, որ հատուկ է միայն Թուրքիան և այժմ էլ ներմուծվել է Միացյալ Նահանգներ»։
Ցույցը կազմակերպվել էր Հայ դատի հանձնախմբի ու և ԱՄՆ-ում հելլենական խորհրդի կողմից։ Ցույցին մասնակցել էին հայ, հույն, քուրդ, ասորական համայնքների ներկայացուցիչներ։
#WorstAllyEver – Turkey welcomes Sinan Narin as a hero, after serving a (light) 11-month sentence for brutally beating American protesters in Washington, DC (May 2017).
No remorse. No regret. Big time pride. The message: "We'd do it again."
Safarov 2.0 pic.twitter.com/UdCEvyNZKq
— ANCA (@ANCA_DC) September 17, 2018
