13.06.2026 | 00:58
ԱԱ-2026․ Կանադան խուսափեց պարտությունից Բոսնիա և Հերցեգովինայի դեմ խաղում․ ՏԵՍԱՆՅՈՒԹ
Ոչ փոխադարձ վիրավորանքների, ոչ էլ սևերի ու սպիտակների բաժանելու կարիք չկա. Զարուհի Փոստանջյան. ՏԵՍԱՆՅՈՒԹ
Քաղաքականություն
18.09.2018 | 12:25
Երևանի ավագանու ընտրություններին մասնակցող «Երկիր Ծիրանի» կուսակցության քաղաքապետի թեկնածու Զարուհի Փոստանջյանի խոսքով՝ ընտրություններին մասնակցող քաղաքական ուժերի միջև ցանկալի է, որ փոխադարձ մեղադրանքներ չհնչեն, քանի որ բոլորը ցանկանում են գալ Երևանին ծառայելու, հետևաբար նման արտահայտություններ և մեղադրանքեր միմյանց հասցեին հնչեցնել պետք չէ։
Թեկնածուն պնդում է՝ սևերի և սպիտակների տարանջատման կարիքն էլ չկա, քանի որ ներառող քաղաքականությունն ու չբևեռացված հասարակությունը կարող են նպաստել քաղաքի զարգացմանը։
«Ցանկացած արդյունավետ որոշում և հաջողություն կախված է բոլորիս արդյունավետ մասնակցությունից և բազմազանությունից։ Որքան շատ կարծիքներ, այնքան շատ լավ որոշում։ Պետք չէ բևեռացնել հասարակությունը»,- ասաց «Երկիր Ծիրանի» կուսակցության քաղաքապետի թեկնածուն։
Հարցին՝ ինքը փաստորեն ո՛չ սև է, ո՛չ էլ սպիտակ, Զարուհի Փոստանջյանը պատասխանեց․ «Մենք ծով ծիրանի գույների մեջ ենք»,- ասաց նա։
Մանրամասները՝ տեսանյութում։
