06.04.2026 | 18:01
Ղազախստանը բանակցություններ չի վարում Հայաստանի երկաթուղիների ռուսական կոնցեսիայի ձեռքբերման շուրջ
Վրաստանը պատրաստ է որպես միջնորդ ավելի ակտիվ ներգրավվել ՀՀ-ի և Ադրբեջանի բանակցություններում․ Կոբախիձե
Քաղաքականություն
15.11.2024 | 12:06
Վրաստանը կարևոր դեր է խաղում տարածաշրջանում խաղաղության ամրապնդման գործում։ Այս մասին հայտարարել է այդ երկրի վարչապետ Իրակլի Կոբախձեն վրացական «Առաջին ալիքին» տված հարցազրույցում։
«Չնայած այն հանգամանքին, որ մեր հարևան երկրների միջև հակամարտություն է եղել, Վրաստանին միշտ հաջողվել է ճիշտ, հավասարակշռված քաղաքականություն վարել՝ դրանով իսկ հնարավորինս նպաստելով մեր տարածաշրջանում խաղաղության ապահովմանը»,- ասել է նա։
Ըստ Կոբախիձեի՝ Վրաստանը պատրաստ է որպես միջնորդ ավելի ակտիվ ներգրավվել Հայաստան-Ադրբեջան բանակցություններում։
«Եթե կա շահագրգռվածություն, որ Վրաստանն ավելի ակտիվ ներգրավվի բանակցություններում՝ որպես միջնորդ կամ այլ կարգավիճակով, մենք միշտ պատրաստակամ ենք այդ հարցում»,- ասել է Կոբախիձեն։
Հիշեցնենք, որ օրերս նա նույնաբովանդակ հայտարարություն էր արել Բաքվում COP29-ի շրջանակում ադրբեջանական լրատվամիջոցների հետ զրույցում։
Թարգմանությունը՝ Էմմա Չոբանյանի
