23.06.2026 | 14:53
Բաքուն ԱՄՆ Կոնգրեսում Հայաստանի կողմից, իբր, «ադրբեջանցիների էթնիկ զտումների» մասին համաժողով է նախաձեռնել
Հունաստանը նախատեսում է փակել ավելի քան հարյուր ռազմաբազա
Քաղաքականություն
14.11.2024 | 22:33
Հունաստանի պաշտպանության նախարար Նիկոս Դենդիասը նոյեմբերի 14-ին հաստատել է ամբողջ երկրում հարյուրից ավելի ռազմաբազաներ փակելու և «ճկուն ստորաբաժանումներ» տեղափոխելու պլանները, գրում է kathimerini-ն։
Նշվում է, որ ՊՆ բարեփոխումների ծրագիրն ուղղված է երկրի Զինված ուժերի արդիականացմանը՝ հրաժարվելով հնացած կառույցներից և գործելակերպից, ինչպես նաև բարելավելու ժամանակակից մարտահրավերներին արձագանքելու նրանց կարողությունները։
«Մենք առաջ ենք շարժվում 137 բազաների փակմամբ՝ նպատակ ունենալով դա ավարտին հասցնել մինչև 2025 թվականը», – ասել է Դենդիասը Ազգային պաշտպանության և արտաքին հարաբերությունների խորհրդարանական մշտական հանձնաժողովում կայացած ճեպազրույցում։ Նա նշել է, որ Հունաստանի պարագայում անիմաստ է 800 բազա ունենալը։
«Բայց ես գիտեմ, թե ինչ է նշանակում փակել ռազմաբազաները, և ես աջակցության կարիք ունեմ»,- հավելել է Դենդիասը՝ նկատի ունենալով ծրագրի դեմ սպասվող արձագանքը, հատկապես օրենսդիրների և տեղի իշխանությունների կողմից այն տարածքներում, որտեղ տեղի տնտեսությունը մեծապես կախված է բազաներից:
Պաշտոնյայի խոսքով՝ այժմ Եվրոսում կան ստորաբաժանումներ, որոնք 30%-ից պակաս է լցված, իսկ Պելոպոնեսում կան ստորաբաժանումներ, որոնք լցված են 130%-ով։
Թարգմանությունը՝ Տաթև Ֆռանգյանի
