08.10.2026 | 13:20
«Մենք չպետք է մոռանանք Ռուբեն Վարդանյանին և մյուս հայերին, որոնք դեռ պատանդ են պահվում Բաքվում»․ Եվրախորհրդարանի պատգամավոր
Փարիզի դատախազությունը պահանջում է Մարին Լը Պենին 5 տարվա ազատազրկման դատապարտել
Քաղաքականություն
14.11.2024 | 15:21
Փարիզի դատախազությունը պահանջում է «Ազգային միավորում» ծայրահեղ աջ կուսակցության խորհրդարանական խմբակցության ղեկավար Մարին Լը Պենին դատապարտել 5 տարվա ազատազրկման, որից երեքը՝ պայմանական, կապված Եվրախորհրդարանի միջոցների օգտագործման ոչ պատշաճ հետաքննության գործի հետ, գրում է BFMTV-ն, որին վկայակոչում է DW-ի ռուսական ծառայությունը։
Եթե դատարանը համաձայնի մեղադրանքների հետ, 56-ամյա Լը Պենը չի կարողանա մասնակցել 2027 թվականին կայանալիք Ֆրանսիայի նախագահական ընտրություններին, քանի որ նրան կարգելեն նույն ժամկետով պետական պաշտոններ զբաղեցնել։ Դատախազները նաև պնդում են, որ կուսակցությունը տուգանվի երկու միլիոն եվրոյով։
Նախկինում աջ քաղաքական գործիչն արդեն դատապարտվել էր 330 հազար եվրո տուգանքի, որը պետք է վճարվեր Եվրախորհրդարանին։ Դատախազությունը պահանջում էր անհապաղ ուժի մեջ մտցնել պետական պաշտոններ զբաղեցնելու արգելքը, նույնիսկ եթե փաստաբանները վերաքննիչ բողոք ներկայացնեն։
Ինքը՝ Լը Պենը, մեղադրել է դատախազներին «ֆրանսիացիներին իրենց ցանկությամբ քվեարկելու հնարավորությունից զրկելու» մեջ։
«Ես բացարձակ զգացողություն չունեմ, որ թույլ եմ տվել ամենափոքր խախտումը կամ ամենափոքր անօրինական գործողությունը»,- ասել է նա։
Լը Պենի ղեկավարած կուսակցության նկատմամբ գործը Փարիզի դատարանում սկսվել է սեպտեմբերի 30-ին։ Լը Պենը և կուսակցական ավելի քան 20 ներկայացուցիչներ մեղադրվում են ԵՄ-ի միջոցները յուրացնելու և կուսակցության գաղտնի ֆինանսավորման մեջ։ Այս մեղադրանքով առավելագույն պատիժը մինչև տասը տարվա ազատազրկումն է։ Ընդհանուր վնասը գնահատվում է գրեթե 7 միլիոն եվրո։
Թարգմանությունը՝ Էմմա Չոբանյանի
