22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
Ովքեր կփորձեն ոտնձգություն անել երեխաների ապագայի նկատմամբ, մենք նրանց ոչ միայն ասֆալտին կփռենք, այլ պատերով կտանք․ Փաշինյան. ՏԵՍԱՆՅՈՒԹ
Քաղաքականություն
17.09.2018 | 20:03
«Հայաստանի Հանրապետությունում այլևս գոյություն է ունենալու միայն ժողովրդին ծառայող, ժողովրդին խոնարհվող իշխանություն և սա այլընտրանք չունի։ Նայեք տեսեք, թե ովքեր են այստեղ հավաքվածների առնվազն կեսը՝ 7-ից 14 տարեկան երեխաներ, որոնք ընտրողներ չեն, ձայն չունեն, բայց իրենք ՀՀ-ում արել են հեղափոխություն։ Եվ այսօր մենք որոշում ենք նրանց հայրենիքի վաղվա օրն ու բնույթը։ Եվ չի կարող որևէ մեկը՝ Հայաստանում կամ աշխարհի որևէ ծայրում, կասկածի տակ դնել այս երեխաների ապագան, չի կարող։ Բոլոր նրանք, ովքեր կփորձեն ոտնձգություն անել այս երեխաների ապագայի նկատմամբ, մենք նրանց ոչ միայն ասֆալտներին կփռենք, այլ մենք նրանց պատերով կտանք»,- ելույթ ունենալով «Իմ քայլը» դաշինքի նախընտրական հանրահավաքին՝ ասաց Նիկոլ Փաշինյանը։
Նա նշեց, որ իրենք ոչ են ասել կոռուպցիային, կեղծիքին, քծնանքին: «Եվ այս երեխաներն արդեն իսկ հաղթել են, և նրանց հաղթանակը որևէ մեկը փորձ չի անի խլել նրանցից»,- նշեց Փաշինյանը՝ կրկնելով նման փորձ անողներին «պատերով տալու» պատրաստակամությունը։
Ապա վարչապետը իջավ և հավաքված երեխաների հետ նկարվեց․ սեղմեց նրանց ձեռքերն ու ողջագուրվեց նրանցից մի քանիսի հետ։
