22.12.2024 | 22:00
Ինքնաթիռի կործանում Բրազիլիայում․ կան զոհեր և տուժածներ
Բրազիլիայի Գերագույն դատարանի մոտ պայթյուններ են որոտացել. շենքի հարակից հրապարակում դի է հայտնաբերվել․ ՏԵՍԱՆՅՈՒԹ
Քաղաքականություն
14.11.2024 | 13:50
Բրազիլիայի Գերագույն դատարանի մոտ՝ մայրաքաղաքի կենտրոնում, պայթյուններ են որոտացել, ինչից հետո շենքի հարակից հրապարակում տղամարդու դի է հայտնաբերվել։ Ըստ իշխանությունների՝ նա փորձել է ներթափանցել Գերագույն դատարան, փոխանցում է Current Time-ը:
Առաջին պայթյունը տեղի է ունեցել մոտակա ավտոկայանատեղիի մեքենայի բեռնախցիկում։ 20 վայրկյան անց լսվել է երկրորդ պայթյունը, ինչից հետո հրապարակում տղամարդու դի է հայտնաբերվել։
«Մենք կարող ենք հաստատել, որ Գերագույն դատարանի շենքի դիմաց դի կա»,- AFP-ին ասել է դաշնային ոստիկանության ներկայացուցիչը։
Իշխանությունները հայտնում են, որ մահացած տղամարդը փորձել է ներխուժել Գերագույն դատարան:
«Այս քաղաքացին մոտեցել է Դաշնային Գերագույն դատարանին, փորձել ներս մտնել, սակայն չի կարողացել, և մուտքի մոտ պայթյուն է տեղի ունեցել»,- ասել է Բրազիլիայի նահանգապետ Սելինա Լեաոն։
Իշխանությունները կատարվածը համարում են ինքնասպանության, «քանի որ կա միայն մեկ զոհ»: Կատարվում է հետաքննություն։
Գերագույն դատարանի կայանատեղիում պայթած մեքենան պատկանում է Սանտա Կատարինա նահանգից Ֆրանցիսկո Վանդերլի Լուիսին, որը 2020 թվականին մասնակցել է մունիցիպալ ընտրություններին որպես Լիբերալ կուսակցության անդամ, սակայն չի ընտրվել, հայտնում է G1 պորտալը։
Թարգմանությունը՝ Տաթև Ֆռանգյանի
