09.09.2026 | 12:16
«Արգելում եմ իմ հոր անունը տալ», «Արցախցիների տեղահանման ժամանակ Դուբայում հանգստանում էիք»․ ՏԵՍԱՆՅՈւԹ
Խորհրդարանն ընդդիմության լեգիտիմացման կարիք չունի․ Կոբախիձե
Քաղաքականություն
13.11.2024 | 18:16
Վրաց ժողովուրդը Վրաստանի խորհրդարանին և խորհրդարանական մեծամասնությանը համապատասխան լեգիտիմություն է տվել, Բաքվում լրագրողների հետ զրույցում հայտարարել է այդ երկրի վարչապետ Իրակլի Կոբախիձեն, փոխանցում է Գրուզիա օնլայնը։
Նրա խոսքով՝ եթե ընդդիմությունը հրաժարվի հասարակության համապատասխան հատվածի կողմից իրեն տրված մանդատներից, դա կվիրավորի նրա կողմնակիցներին։
«Խորհրդարանն ընդդիմության լեգիտիմացման կարիքը չունի, դա ձեզ շատ հստակ կարող եմ ասել։ Խորհրդարանը վրաց ժողովրդի լեգիտիմացման կարիքն ունի։ Վրաց ժողովուրդը լեգիտիմություն տրամադրեց խորհրդարանին և խորհրդարանական մեծամասնությանը։ Ինչ վերաբերում է ընդդիմությանը, ապա եթե նրանք հրաժարվեն հասարակության համապատասխան հատվածի կողմից իրենց տված մանդատներից, կվիրավորեն իրենց կողմնակիցներին։ Բայց դա իրենց գործն է։ Տեսնում եք, որ ընդդիմությունն օրեցօր ավելի է փչացնում իր հեղինակությունն ու դիրքը։ Նրանք դա անում են իրենց ձեռքով»,- ասել է Վրաստանի վարչապետը։
Թարգմանությունը՝ Տաթև Ֆռանգյանի
