09.09.2026 | 10:58
Գազամատակարարման պլանային դադարեցումներ Արագածոտնի, Շիրակի և Լոռու մարզերում
Վրաստանում նախագահական ընտրությունները կարող են տեղի ունենալ հունվարի սկզբին․ Կոբախիձե
Քաղաքականություն
13.11.2024 | 15:48
Վրաստանում նախագահական ընտրությունները, ամենայն հավանականությամբ, տեղի կունենան 2025 թվականի հունվարի սկզբին։ Այս մասին Բաքվում COP29-ի շրջանակում լրագրողների հետ զրույցում ասել է Վրաստանի վարչապետ Իրակլի Կոբախիձեն, փոխանցում է Գրուզիա օնլայնը։
«Խորհրդարանական ընտրությունների արդյունքները կամփոփվեն, և տասերորդ օրը տեղի կունենա խորհրդարանի առաջին նիստը։ Դրանից հետո կսկսվի խորհրդարանական կյանքը, իսկ շուտով, ամենայն հավանականությամբ, հունվարի սկզբին, կանցկացվեն նախագահական ընտրությունները, ինչից հետո տեղի կունենա նախագահի երդմնակալության արարողությունը»,- նշել է նա։
2018 թվականի նախագահական ընտրությունները Վրաստանում՝ խորհրդարանական կառավարման հանրապետությունում, վերջին անգամ են անցկացվել համընդհանուր ընտրական իրավունքով։ Երկրի Սահմանադրության համաձայն՝ նախագահին այսուհետ կընտրի 300 հոգուց բաղկացած Ընտրական կոլեգիան, որը բաղկացած կլինի խորհրդարանականներից և տեղական իշխանությունների ներկայացուցիչներից։
Ավելի վաղ Սալոմե Զուրաբիշվիլին հայտնել է, որ կարող է երկրորդ անգամ առաջադրվել՝ Վրաստանի եվրաինտեգրմանը նպաստելու համար։ Միաժամանակ, նա իր վերընտրվելը կապել է հոկտեմբերի 26-ին տեղի ունեցած խորհրդարանական ընտրությունների արդյունքների հետ։
Թարգմանությունը՝ Տաթև Ֆռանգյանի
