18.07.2026 | 13:06
Հակակոռուպցիոն կոմիտեն դիմել է Արդարադատության նախարարությանը՝ helpcourt.am-ի գործունեության հարցով
Թուրքիային առաջարկել են դառնալ ԲՐԻԿՍ-ի ասոցացված անդամ
Քաղաքականություն
13.11.2024 | 15:23
Թուրքիային առաջարկել են դառնալ ԲՐԻԿՍ-ին գործընկեր պետություն՝ ասոսացված անդամ։ Այս մասին հայտարարել է երկրի առևտրի նախարար Օմեր Բոլաթը, փոխանցում է Yeni Şafak-ը։
Հարցին՝ արդյո՞ք Թուրքիան կդառնա ԲՐԻԿՍ-ի անդամ, նախարարը պատասխանել է, որ այն համագործակցության կազմակերպություն է, որը ներառում է կարևոր երկրներ, որոնք կազմում են աշխարհի ազգային եկամտի 25 տոկոսը:
«ԲՐԻԿՍ-ի ժողովրդականությունը մեծանում է: Ինչ վերաբերում է Թուրքիայի անդամակցության կարգավիճակին, ապա Անկարային ասոցացված անդամակցություն է առաջարկվել։ Սա անցումային շրջան է ԲՐԻԿՍ-ի համար։ Կազմակերպությանը միանալը զգալի օգուտներ կբերի Թուրքիային բոլոր կարևոր գլոբալ հարթակների հետ համագործակցության առումով»,- նշել է Բոլաթը։
ԲՐԻԿՍ-ի վերջին գագաթնաժողովն անցկացվել է Կազանում հոկտեմբերի 22-24-ը, որին մասնակցում էր նաև Թուրքիայի նախագահ Ռեջեփ Թայիփ Էրդողանը։
Թարգմանությունը՝ Էմմա Չոբանյանի
