14.11.2024 | 11:42
Լավրովն ու Ֆիդանը տարածաշրջանային հարցեր են քննարկել
Չենք մեկնաբանում COP29-ին Հայաստանի մասնակցել-չմասնակցելու հարցը․ Ադրբեջանի ԱԳՆ խոսնակ
Քաղաքականություն
13.11.2024 | 12:31
Ադրբեջանը Հայաստանին COP29-ին մասնակցության հրավեր է ուղարկել, սակայն մասնակցել-չմասնակցելն իրենց ընտրությունն է, դեռևս տեղեկություն չունենք՝ արդյո՞ք նրանք կմասնակցեն միջոցառմանը։ Այս մասին հայտարարել է Ադրբեջանի ԱԳՆ խոսնակ Այխան Հաջիզադեն Բաքվում COP29-ի շրջանակում լրագրողների հետ զրույցում։
«Ինչպես գիտեք՝ այստեղ կարևոր քննարկումներ են ընթանում։ Կլիմայի փոփոխությունն աշխարհին սպառնացող հիմնական խնդիրներից է։ ՄԱԿ-ի Կլիմայի փոփոխության շրջանակային կոնվենցիայի անդամ է 198 պետություն։ Շարունակվում են սպառնալիքների վերացմանն ուղղված կարևոր քննարկումները, դրանց մասնակցելը պետք է լինի յուրաքանչյուր անդամ պետության առաջնահերթությունը: Մենք չենք մեկնաբանում Հայաստանի մասնակցության հարցը, դա նրանց սեփական ընտրությունն է»,- ասել է Հաջիզադեն։
Նա նաև հայտարարել է, թե ադրբեջանական կողմը կշարունակի ջանքերը՝ «Հայաստանին պատասխանատվության ենթարկելու ոչ միայն Արդարադատության միջազգային դատարանի, այլև արբիտրաժային գործընթացների շրջանակում»։
Թարգմանությունը՝ Էմմա Չոբանյանի
