11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Պետդեպը հայտնել է Ուկրաինայի հետ սահմանին ռազմական գործողություններին հյուսիսկորեացիների մասնակցության մասին
Քաղաքականություն
13.11.2024 | 12:51
ԱՄՆ Պետքարտուղարությունը հայտարարել է, որ հյուսիսկորեական զորքերն Ուկրաինայի հետ սահմանին ռուս զինվորականների հետ միասին սկսել են մասնակցել ռազմական գործողություններին։ Այս մասին լրագրողներին ասել է Պետքարտուղարության խոսնակ Վեդանտ Պատելը, փոխանցում է BBC-ի ռուսական ծառայությունը։
«Այսօր ես կարող եմ հաստատել, որ ավելի քան 10 հազար զինվոր ԿԺԴՀ-ից ուղարկվել է արևելյան Ռուսաստան։ Նրանց մեծ մասը տեղափոխվել է Կուրսկի շրջանի արևմուտք, որտեղ նրանք ռուսական ուժերի հետ սկսել են մասնակցել մարտական գործողություններին»,- ասել է նա։
Անցյալ շաբաթ Ուկրաինայի նախագահ Վլադիմիր Զելենսկին Բուդապեշտում Եվրոպական քաղաքական համայնքի գագաթնաժողովին հաջորդած մամուլի ասուլիսում ասել է, որ ԿԺԴՀ-ի զինվորականները Կուրսկի շրջանում արդեն կորուստներ են կրում։
«Այսօր 11 հազար հյուսիսկորեացի զինվորներ գտնվում են Ռուսաստանի տարածքում՝ Ուկրաինայի հետ սահմանային գոտում, մեր երկրի հյուսիսային հատվածում, մասնավորապես՝ Կուրսկի շրջանում։ Այդ զորքերի մի մասն արդեն մասնակցել է ուկրաինացի զինվորականների դեմ ռազմական գործողություններին, և արդեն կան կորուստներ, դա փաստ է»,- ասել է նա։
Թարգմանությունը՝ Տաթև Ֆռանգյանի
