20.02.2026 | 21:31
Օրերս Ամասիայում հայտնված ադրբեջանցիները նաև 2013 և 2014 թվականներին են այցելել ՀՀ. ԱԱԾ
Բլինքենն ու Ֆիդանը քննարկել են Հարավային Կովկասում արժանապատիվ և կայուն խաղաղության հասնելու կարևորությունը
Քաղաքականություն
13.11.2024 | 10:07
ԱՄՆ պետքարտուղար Էնթոնի Բլինքենը հեռախոսազրույց է ունեցել Թուրքիայի ԱԳ նախարար Հաքան Ֆիդանի հետ։ Պետքարտուղարության հաղորդագրության համաձայն՝ կողմերը քննարկել են դիվանագիտական լուծման հասնելու շարունակական ջանքերը, որով իրականություն կդառնա ՄԱԿ-ի 1701-րդ բանաձևը և Լիբանանի և Իսրայելի քաղաքացիները հնարավորություն կստանան վերադառնալու իրենց տները: Բլինքենը կրկնել է, որ ժամանակն է դադարեցնել հակամարտությունը Գազայում, ապահովել պատանդների ազատ արձակումը, ավելացնել մարդասիրական օգնությունը և ճանապարհ ստեղծել Գազայի պաղեստինցիների համար՝ վերականգնելու իրենց կյանքը:
«Պետքարտուղարն ու ԱԳ նախարարը նաև քննարկել են Հարավային Կովկասում արժանապատիվ և կայուն խաղաղության հասնելու կարևորությունը»,-ասվում է հաղորդագրության մեջ։
Թուրքիայի ԱԳՆ խոսնակ Օնջյու Քեջելին էլ X-ի իր միկրոբլոգում հայտնել է, որ կողմերը քննարկել են Հայաստան-Ադրբեջան կարգավորման գործընթացը։
«Արտաքին գործերի նախարար Հաքան Ֆիդանը այսօր (նոյեմբերի 12-ին) հեռախոսազրույց է ունեցել ԱՄՆ պետքարտուղար Էնթոնի Բլինքենի հետ։ Հանդիպման ընթացքում քննարկվել են Գազայում տիրող վերջին իրավիճակը, Լիբանանի զարգացումները, Ադրբեջանի և Հայաստանի միջև խաղաղության գործընթացում ընթացիկ իրավիճակը»,-նշել է նա։
Թարգմանությունը՝ Էմմա Չոբանյանի
