07.11.2026 | 18:08
Իմ խնդիրն է՝ Հայաստանն իր միջազգայնորեն ճանաչված տարածքներով և բաց սահմաններով հանձնել երիտասարդությանը. վարչապետ
Հաջիևը` Ալիևի պաշտոն չզբաղեցնող որդու պաշտոնական միջոցառումներին մասնակցության մասին
Քաղաքականություն
12.11.2024 | 22:13
Ադրբեջանի նախագահի օգնական Հիքմեթ Հաջիևը մեկնաբանել է սեպտեմբերի 26-ին կայացած տնտեսական խորհրդակցությանը Իլհամ Ալիևի 27-ամյա որդու՝ Հեյդար Ալիևի մասնակցության կարգավիճակը։
«Նա Ադրբեջանի Հանրապետության քաղաքացի է»,- ասել է Հաջիևը լրատվամիջոցների հետ զրույցում։ Հանդիպմանը Հեյդար Ալիևը նստել էր մոր`երկրի առաջին փոխնախագահ Մեհրիբան Ալիևայի կողքին։
Բոլորը կարո՞ղ են գնալ փոխնախագահի կողքին նստել հարցին` Հաջիևն ասել է, թե տնտեսական խորհրդակցությունը բաց է մասնագետների համար։
«Տնտեսական խորհրդատվությունը բաց է մասնագետների համար: Նա մասնակցել է այդ միջոցառմանը որպես Ադրբեջանի քաղաքացի և որպես մասնագետ, կոնկրետ ոլորտի մասնագետ»։
Հեյդար Ալիևը Բաքվի ADA դիվանագիտական համալսարանի շրջանավարտ է։
Նշենք,որ ադրբեջանական տիրույթում ակտիվորեն քննարկվում էր պետական որևէ պաշտոն չզբաղեցնող Հեյդար Ալիևի մասնակցությունը խորհրդակցությանը։ Տարբեր խոսակցություններ են շրջանառվում, որ Ալիևը որդուն պատրաստվում է պետական պաշտոնի նշանակել։
Էմմա Չոբանյան
