16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Հույս ունեմ, որ Նիկոլ Փաշինյանը ներողություն կխնդրի ժողովրդից և նաև մեզանից․ Էդմոն Մարուքյան. ՏԵՍԱՆՅՈՒԹ
Քաղաքականություն
17.09.2018 | 18:11
«Լույս» դաշինքի անդամ Էդմոն Մարուքյանը հույս է հայտնում, որ վարչապետ Նիկոլ Փաշինյանը պետք է ներողություն խնդրի ժողովրդից և նաև իրենցից, որովհետև ասել, որ միայն մենք ենք սպիտակ, իսկ մյուսները սև են՝ արդեն ամեն ինչի սկիզբն է։
«Հանրապետականն ասում էր մեր հանդեպ է ատելության մթնոլորտը։ Ես ասում եմ, որ ՀՀԿ-ն չի մասնակցում, իսկ մասնակից ուժերի միջև այդ գիծը քաշված է, ինչը տալիս է առիթ։ Մարդիկ առիթավորվում են և պղտոր ջրում ձուկ են որսում, ինչը շատ վատ է՝ հատկապես, երբ ամենօրյա ռեժիմով ասվում է , որ ՀՀ քաղաքացին ամենաբարձր արժեքն է, և նրանից բարձր ոչինչ չի կարող լինել, հետևաբար, չի կարող լինել սև կամ սպիտակ քաղաքացի»,-այսօր դաշինքի հերթական հանրահավաքի ժամանակ ասաց Էդմոն Մարուքյանը։
Վերջինս շեշտեց, որ ինքը Նիկոլ Փաշինյանի հետ հենց սևերի և սպիտակների դեմ է պայքարել, ուստի, հուսով է, որ վարչապետը կվերանայի իր հայտարարությունը, քանի որ ամեն քաղաքական հայտարարություն պետք է ունենա տրամաբանություն։
Էդմոն Մարուքյանը նկատեց, որ վարչապետը Նիկոլ Փաշինյանի հայտարարությունն արդեն իսկ խնդիրներ է առաջացրել։
Դիտարկմանը՝ հնարավոր է այդ լարվածության պատճառը հեղափոխությունից առաջ եղած տարաձայնություններն էին, Էդմոն Մարուքյանն ասաց․ «Մենք լարված չենք, կարող է վիրավորված լինենք, բայց լարված չենք, թեպետ տեղ ունենք վիրավորվելու»։
Մանրամասները՝ տեսանյութում։
