12.01.2025 | 14:00
Շրջապտույտ, որ կայսրությունները սերմանել են մեզանում, որ չունենանք պետություն․ Փաշինյան
ՌԴ-ն, Իրանն ու Թուրքիան դատապարտել են Իսրայելի ագրեսիան Գազայում ու Լիբանանում
Քաղաքականություն
12.11.2024 | 22:43
Սիրիայի հարցով Իրանի, Թուրքիայի ու ՌԴ-ի բարձրաստիճան պաշտոնյաների 22-րդ հանդիպումն է տեղի ունեցել 2024 թվականի նոյեմբերի 11-12-ը Ղազախստանի մայրաքաղաքում։
ՏԱՍՍ-ի հաղորդմամբ՝ 22-րդ միջազգային հանդիպման արդյունքներով կողմերը համատեղ հայտարարություն են ընդունել։
Մասնավորապես, նրանք դատապարտել են Գազայում շարունակվող «իսրայելական մասսայական սպանությունները, ինչպես նաև Իսրայելի ագրեսիան Լիբանանում և Արևմտյան ափին», դատապարտել են Իսրայելի գործողությունները Սիրիայում և այդ գործողությունները համարել միջազգային իրավունքի խախտում։
Կողմերը դեմ են արտահայտվել նավթի և այլ ռեսուրսների շարունակական «անօրինական բռնագրավման և փոխանցման դեմ, որոնք պետք է պատկանեն Սիրիային», ընդունել Մերձավոր Արևելքում բռնության սրման բացասական ազդեցությունը Սիրիայի Արաբական Հանրապետությունում իրավիճակի վրա։
Կողմերը պայմանավորվել են հետագա ջանքեր գործադրել՝ ապահովելու իրավիճակի կայուն կարգավորում Իդլիբի դեէսկալացիայի գոտում և դրա շուրջ, ներառյալ հումանիտար իրավիճակը, կոչ են արել ՄԱԿ ՓԳՀ-ին, գործակալություններին և բոլոր մարդասիրական կազմակերպություններին շտապ արձագանքման միջոցներ մշակել նրանց համար, որոնք ստիպված են եղել Լիբանանից Սիրիա տեղափոխվել Լիբանանում մարտերի էսկալացիայից հետո:
Ռուսաստանը, Իրանը և Թուրքիան պայմանավորվել են Սիրիայի հարցով գագաթնաժողով անցկացնել նշյալ ձևաչափով Ռուսաստանում և 23-րդ հանդիպումը անցկացնել Աստանայում 2025 թվականի առաջին կեսին։
Թարգմանությունը՝ Էմմա Չոբանյանի
